Tempada de abonos teatro Afundación Vigo

A Fundación Galicia Obra Social (Afundación) poñerá á venda, a partires do vindeiro xoves 21 de xullo e ata o vindeiro 9 de setembro, os abonos para a nova tempada teatral en Vigo. O programa conta cun total de cinco obras que abordan temáticas de índole moi social. Desde a rutina matrimonial enLos vecinos de arriba, pasando polo acoso escolar en Mi pequeño poni, ata a desesperación que provoca a enfermidade en Héroes. Esta tempada conta co selo de calidade de recoñecidos actores como Juan Antonio Molina, María Adánez e Juan Gea entre moitos outros. As entradas soltas poderán adquirirse a partires do día 12 de setembro. Todas as compras poden realizarse a través das canles habituais de venda de Afundación enataquilla.com e a través do teléfono 902 504 500. Ademais do aforro que supón o abono, un 20 % con respecto aos prezos das entradas soltas, a fundación galega ten en marcha unha política de bonificacións e descontos para desempregados, xubilados e mozos que supón unha rebaixa adicional dun 10 %. A totalidade das funcións terán lugar no Teatro Afundación de Vigo, na rúa Policarpo Sanz, 13.