UN TOTAL DE 20 MOZOS E MOZAS PROCEDENTES DE 4 PAÍSES E 8 COMUNIDADES AUTÓNOMAS PARTICIPAN NO CAMPO DE TRABALLO “NATUREZA E PATRIMONIO XUNTO AO MAR” EN VILANOVA DE AROUSA

  • A directora xeral de Xuventude, Participación e Voluntariado, Cecilia Vázquez, visitou hoxe aos participantes que están a colaborar en tarefas de conservación ambiental no litoral e de rehabilitación patrimonial na zona
  • Esta actividade enmárcase na Campaña de Verán 2016, que oferta 9.046 prazas para albergues, campamentos e actividades de ocio e tempo libre para a mocidade e na que a Xunta de Galicia inviste 2,6 millóns de euros

VISITA CENTRO DÍA MACEDA7 (13 XULLO 2016) (2)

Vilanova de Arousa (Pontevedra), 14 de xullo de 2016.- Un total de 20 voluntarios e voluntarias galegas, doutras comunidades autónomas e do estranxeiro, danse cita en Vilanova de Arousa entre o 4 e o 15 de xullo para participar no Campo de traballo Natureza e Patrimonio xunto ao mar que organiza a Dirección Xeral de Xuventude, Participación e Voluntariado.

 

A directora xeral visitou hoxe aos participantes que están a desenvolver tarefas de limpeza da Senda da costa do Terrón, sendeiro costeiro de gran valor ecolóxico e turístico, e de recuperación patrimonial no lavadoiro de Ousensa ademais de disfrutar de actividades deportivas náuticas e de visitas e obradoiros.

 

Cecilia Vázquez destacou que “os proxectos de voluntariado xuvenil, como este campo de traballo, supoñen unha magnífica ferramenta de educación non formal para a nosa mocidade”. En concreto, os campos de traballo contribúen á difusión de valores como a participación, a solidariedade, o coñecemento do contorno e o traballo en equipo entre os participantes. Así mesmo, fomentan a mobilidade, pois ofrecen aos mozos e mozas a oportunidade de tomar parte en campos doutras Comunidades e países, e a relación intercultural como sucede neste campo no que participan mozos e mozas de China, Turquía, Francia, Italia ademais de 8 comunidades autónomas.

 

Esta iniciativa forma parte da Campaña de Verán da Dirección Xeral de Xuventude, Participación e Voluntariado, que oferta na provincia de Pontevedra un total de 1.800 prazas. Ademais na provincia se desenvolven campos de traballo no concello de Cotobade e nas Illas Cíes. Os campamentos para mozos e mozas de entre 9 e 17 anos da provincia ofertan actividades no albergue xuvenil As Sinas en Vilanova de Arousa, en Pontemaril (Forcarei) e na Illa de Ons (Bueu).

 

No total galego, na Campaña de Verán tomarán parte 9.046 mozos e mozas, un 6% máis que no ano anterior. As actividades están dirixidas a persoas de entre 9 e 30 anos e están divididas en actividades específicas para os distintos grupos de idade.

 

O departamento autonómico inviste 2,6 millóns de euros na posta en marcha destas actividades, que permitirán a creación de 900 postos de traballo de monitores e directores de tempo libre.

 

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: