A DIRECTORA XERAL DE INFANCIA PRESENTA AOS ALCALDES DA PROVINCIA DE OURENSE O CONTIDO DA ORDE PARA O INVESTIMENTO EN ESCOLAS INFANTÍS MUNICIPAIS

• A orde, publicada esta semana no Diario Oficial de Galicia, está dotada de 1,5 millóns de euros
• O obxectivo é mellorar as escolas infantís así como os puntos de atención á infancia municipais a través da realización das obras menores e da compra do equipamento necesario
• Os concellos interesados poden presentar a súa solicitude ata o vindeiro 26 de agosto

 

Ourense, 29 de xullo de 2016.- A directora xeral de Familia, Infancia e Dinamización demográfica, Amparo González, continuou esta mañá en Ourense a súa rolda de encontros con alcaldes para informalos sobre o contido da Orde que regula a concesión de axudas para o investimento en escolas infantís dependentes das corporacións locais. Nesta provincia, existen 19 concellos que contan con escolas infantís municipais.

 

A directora xeral salientou que a orde pola que se regulan as bases que rexerán a concesión de axudas económicas para o investimento en escolas infantís de 0 a 3 anos dependentes de corporacións locais, publicada onte mesmo no Diario Oficial de Galicia por primeira vez, “está dotada de 1,5 millóns de euros” e que “os concellos interesados xa poden presentar a súa solicitude nun prazo dun mes que rematará o vindeiro 26 de agosto”.

 

Durante este encontro que tivo lugar na Delegación Territorial da Xunta, Amparo González salientou que a finalidade da convocatoria é “mellorar as escolas infantís así como os puntos de atención á infancia municipais a través da realización das obras menores e da compra do equipamento necesario”.

Con estas axudas facilitarase a posta en marcha inmediata de recursos de atención á infancia que estean unicamente pendentes da dotación de equipamento, co que se aumentará a dispoñibilidade de prazas de atención á infancia. Igualmente mellorarase a calidade da atención recibida nos que xa veñen funcionando.

 

Esta convocatoria enmárcase no programa operativo FEDER Galicia para o período 2014-2020 e o financiamento articularase a través dunha convocatoria pública de subvencións baixo o réxime de concorrencia competitiva. Os concellos beneficiarios non poderán ter recibido axudas financiadas con fondos Estruturais de Investimento Europeos (EIE) 2007-2013 para o mesmo concepto de gasto e no suposto de recursos que dependan da dotación de equipamento para seren postos en marcha  tampouco poderán ter recibido axudas financiadas cos ditos fondos EIE para a construción da infraestrutura. Ao abeiro desta convocatoria serán subvencionables obras menores de adecuación e mellora das infraestruturas, obras novas de escasa contía que doten ao edificio de servizos necesarios, adquisición e mellora do equipamento do centro (incluída a compra de mobiliario interior e exterior e de material didáctico e de xogo), e a dotación de conexión a internet e compra de dispositivos para a integración das novas tecnoloxías na aula.

 

As axudas poderán financiar ata o 100% do investimento subvencionable e terán unha contía máxima por cada centro de 20.000 euros para as actuacións destinadas á realización de obras e de 15.000 euros para as destinadas á compra de equipamento. Cada concello poderá percibir unha axuda máxima de 35.000 euros, con independencia do número de centros para os que presente solicitude. A actuación é complementaria das accións de investimento para mellora das escolas infantís da rede Galiña Azul.

 

Cómpre destacar que esta convocatoria enmárcase no Plan de Dinamización Demográfica para Galicia 2013-2016, Horizonte 2020, e forma parte do Programa de apoio á natalidade (PAN), un programa integral da administración autonómica que ten como obxectivo apoiar ás familias galegas ofrecendo respostas globais ás súas necesidades.

 

A atención á infancia e o apoio ás familias é unha das liñas estratéxicas de actuación da Consellería de Política Social. Investir na atención á infancia aumenta a equidade dos resultados educativos e reduce os custes para a sociedade en perda de talento e en gasto público en benestar, sanidade e incluso xustiza. Así mesmo, contar con estes recursos de conciliación contribúe significativamente a acadar obxectivos políticos fundamentais, en especial en canto a crecemento e emprego, integración social de grupos vulnerables e igualdade de xénero. O desenvolvemento dunha política de conciliación eficaz tamén constitúe unha resposta clave aos retos demográficos a longo prazo.

 

O orzamento consignado para as actuacións de conciliación por parte da Consellería de Política Social ascende a 67.124.923 euros, o que supón un incremento de case o 70% con respecto ao exercicio 2015. Grazas a esta aposta decidida do departamento autonómico Galicia xa é un referente de servizos de apoio á natalidade e á familia no contexto español.

 

UN TOTAL DE 15 EMPRESAS PRESENTAN AS SÚAS OFERTAS PARA A REDACCIÓN DO PROXECTO DE CONSTRUCIÓN DO ENLACE DE AREAS, NA VÍA DE ALTA CAPACIDADE TUI- A GUARDA

• A redacción do proxecto permitirá, a continuación, licitar as obras do enlace que suporá un investimento da Xunta de preto de  12 millóns de euros
• Considérase prioritario este treito, xa que nel conflúen a futura VAP á Guarda; a A-55, que une Vigo con Portugal e dá saída á rede nacional de autovías; a N-551 que leva á ponte internacional; e e a PO-552 que vertebra o Baixo Miño
• Co novo enlace que se integra na VAC Tui – A Guarda posibilítase a conexión do polígono empresarial que xera tráficos pesados derivados das actividades industriais, como un elevado número de vehículos particulares que se achegan ás diferentes zonas comerciais

 

Santiago, 29 de xullo de 2016.- Un total de 15 empresas presentan as súas ofertas para a redacción do proxecto de construción da Vía de Alta Capacidade (VAC) de Tui-A Guarda, treito enlace A-55 – enlace de Areas.

 

Este contrato licitouse por un importe de máis de 75.000 euros e prevese un prazo de execución de 8 meses. A continuación da redacción deste proxecto será posible licitar as obras do enlace que suporán un investimento por parte da Xunta de arredor de 12 millóns de euros.

 

A Xunta está a avanzar na súa determinación por completar o eixo de altas prestacións entre Tui e A Guarda, comezando pola conexión do enlace de Areas coa N-551 e a A-55, necesario para solucionar os tráficos e mellorar as conexións dun polígono que rexistra unha importante actividade económica, industrial e comercial. Cómpre lembrar que con data 6 de maio foi sometido a información pública a efectos expropiatorios o proxecto de trazado do enlace de Areas, que se desenvolverá nivel construtivo e se integrará co da VAC Tui – A Guarda mediante o contrato que hoxe se licita.

 

A Xunta, tras unha fonda análise técnica, funcional e social, detectou que este treito é o máis urxente nesta infraestrutura, xa que nel conflúen a Autovía A-55, que une Vigo con Portugal e dá saída á rede nacional de autovías; a N-551 que leva á ponte internacional; e e a PO-552 que vertebra o Baixo Miño. Ademais posibilítase a conexión dun polígono empresarial, o de Areas, que xera tanto tráficos pesados derivados das actividades industriais, como un elevado número de vehículos particulares que se achegan ás diferentes zonas comerciais.

 

O Goberno galego xa ten acadado unha solución que posibilita movementos directos sen necesidade de meter os tráficos no núcleo de Areas.

 

Cómpre lembrar que dende o 2014 está en servizo o treito entre Goián e A Guarda, 10 quilómetros de vía de altas prestacións cos que máis de 6.000 vehículos cada día ven mellorados os tempos de percorrido e, sobre todo, a súa seguridade viaria.

 

A DIRECTORA XERAL DE XUVENTUDE DESTACA AS TAREFAS AMBIENTAIS QUE SE ESTÁN A REALIZAR NO CAMPO DE TRABALLO INTERNACIONAL DE COTOBADE

• Os voluntarios e voluntarias están a acondicionar a ruta de “Foxo do Lobo” e tamén participan en obradoiros relacionados co emprendedurismo xuvenil aproveitando os recursos da zona
• Cecilia Vázquez destacou que “os campos de traballo contribúen á difusión de valores como a participación, a solidariedade, o coñecemento do contorno e o traballo en equipo entre os participantes”

 

Cotobade (Pontevedra), 27 de xullo de 2016.- A directora xeral de Xuventude, Participación e Voluntariado, Cecilia Vázquez, visitou aos participantes no campo de traballo de Cotobade, que forma parte da Campaña de Verán da Consellería de Política Social. Esta iniciativa ten lugar do 27 de xullo ao 7 de agosto e nel participan mozos e mozas de Galicia, do resto de España e de varios países de todo o mundo.

Os voluntarios e voluntarias realizan tarefas ambientais na ruta “Foxo do Lobo” ao seu paso pola parroquia de Carballedo, que consisten na limpeza e acondicionamento das zonas de tránsito do sendeiro. Ademais, realizan obradoiros relacionados co emprendedurismo xuvenil aproveitando os recursos da zona, que poden servir de base para futuros proxectos laborais e de autoemprego.

Os e as participantes tamén contan con actividades complementarias como obradoiros de liderado, coaching e traballo en equipo, sendeirismo, xeolocalización, veladas, visitas culturais a lugares de interese da comarca, tiro con arco e dinámicas grupais.

Cecilia Vázquez destacou que “os campos de traballo contribúen á difusión de valores como a participación, a solidariedade, o coñecemento do contorno e o traballo en equipo entre os participantes”. Así mesmo, “fomentan a mobilidade, pois ofrecen aos mozos e mozas a oportunidade de tomar parte en campos doutras Comunidades e países”.

Galicia é a comunidade de referencia en materia de Campos de traballo. O ano pasado a nosa comunidade organizou o 34% dos campos de traballo internacionais que se celebraron en toda España, segundo o balance realizado polo Injuve. Este ano a Consellería de Política Social organiza un total de 23 campos de traballo na comunidade galega nos meses de verán e os mozos e mozas galegos dispoñen de 575 prazas para participar nestas iniciativas. Destas prazas, 120 son para Campos noutras comunidades autónomas, 250 para Campos en 34 países de Europa, Asia, África e América e 205 para Campos en Galicia.

No total galego, na Campaña de verán toman parte 9.046 mozos e mozas, un 6 % máis que no ano anterior. As actividades están dirixidas a persoas entre 9 e 30 anos, e están divididas en actividades específicas para os distintos grupos de idade.

O departamento autonómico inviste 2,6 millóns de euros na posta en marcha destas actividades, que permitirán a contratación dunhas 900 persoas entre monitores e directores de tempo libre.

Na programación inclúense: campamentos xuvenís para menores de 18 anos en Galicia e noutras comunidades autónomas; o uso en oferta concertada das instalacións xuvenís; as actividades para maiores de 18 anos; campos de traballo en España e no estranxeiro; e accións de reencontro con mozos e mozas descendentes de galegos residentes no exterior.

 

MÁIS DO 80% DOS MOZOS E MOZAS QUE PARTICIPARON EN PROGRAMAS DE EDUCACIÓN NON FORMAL DA DIRECCIÓN XERAL DE XUVENTUDE AMÓSANSE SATISFEITOS COA FORMACIÓN E COMPETENCIAS ADQUIRIDAS

• Así o sinala o estudo sobre “Os programas de educación non formal e a empregabilidade da Xuventude en Galicia”, elaborado polo grupo de investigación ESCULCA da Universidade de Santiago de Compostela
• A directora xeral de Xuventude, Participación e Voluntariado, fixo referencia a este e outros datos relevantes na charla coloquio sobre os retos da mocidade, celebrada no marco do curso Políticas de inclusión e comportamento social

 

Sada (A Coruña), 29 de xullo de 2016.- Máis dun 80% dos mozos e mozas que participaron nos programas de educación non formal da Dirección Xeral de Xuventude, Participación e Voluntariado están satisfeitos coa formación e competencias adquiridas, segundo sinala o estudo sobre “Os programas de educación non formal e a empregabilidade da Xuventude en Galicia”. Este documento, que foi presentado este mesmo mes de xullo, foi elaborado polo grupo de investigación ESCULCA da Universidade de Santiago de Compostela tras analizar os programas Galeuropa, Iniciativa Xove e Voluntariado Xuvenil.

Este dato foi posto de manifesto pola directora xeral de Xuventude, Participación e Voluntariado, Cecilia Vázquez, na charla coloquio sobre os retos da xuventude, no marco do curso Políticas de inclusión e comportamento social que organizan a Universidade da Coruña e a Universidade de Santiago no Auditorio da casa da cultura Pintor Llorens de Sada.

Cecilia Vázquez tamén dixo que segundo este estudo as competencias adquiridas máis valoradas polos participantes no programa de mobilidade Galeuropa, que permite a realización de prácticas laborais en empresas europeas son a disposición a asumir novas funcións e tarefas, a adaptación con facilidade a outros ambientes culturais, o traballo en equipo, a disposición a explorar novas oportunidades e emprender cambios para mellorar as cousas e a comunicación nunha lingua estranxeira.

Pola súa banda, os participantes no programa de participación xuvenil a través do desenvolvemento de proxectos Iniciativa Xove sinalaron como competencias adquiridas máis valoradas a mellora da relación con outras persoas, a mellora na coordinación dun grupo de persoas e , de novo, a disposición a asumir novas funcións e tarefas, a adaptación con facilidade a outros ambientes culturais e o traballo en equipo.

Finalmente, as competencias adquiridas máis valoradas polos participantes no programa de Voluntariado Xuvenil, que aporta mozos e mozas como voluntarios a proxectos solidarios de entidades e concellos, foron tamén a disposición a asumir novas funcións e tarefas, a adaptación con facilidade a outros ambientes culturais, o traballo en equipo, a mellora na relación con outras persoas e a disposición a explorar novas oportunidades e emprender cambios para mellorar as cousas.

En definitiva, concluíu Cecilia Vázquez, este estudo pon de manifesto que os mozos e mozas que participan nos programas de Educación non formal da Dirección Xeral de Xuventude, Participación e Voluntariado “melloran o seu capital social e cultural en termos de empregabilidade, co desenvolvemento de competencias transversais, tales como as habilidades comunicativas, a adaptabilidade, o traballo en equipo, ou as habilidades interculturais”.

 

A XUNTA PUBLICA HOXE O ANUNCIO POLO QUE SE SOMETE AO TRÁMITE DE INFORMACIÓN PÚBLICA O PROXECTO DE CONSTRUCIÓN DUN ITINERARIO PEONIL E CICLISTA NA PO-331, EN ATÍN, NO CONCELLO DE MOS

• A Xunta, a través da Axencia Galega de Infraestruturas, financia estas actuacións mediante a achega económica dun investimento de 450.000€
• O Diario Oficial de Galicia somete a información pública durante trinta días hábiles
• A nova senda executarase ao longo de case un quilómetro na marxe esquerda da PO-331
• Con esta actuación mellorarase a accesibilidade peonil das vivendas e núcleos de poboación da zona de Atín, dando continuidade ao itinerario peonil existente que chega ata Porriño
• Ademais, a actuación prevé un novo acceso peonil e ciclista, directo dende a PO-331, ao colexio público de Atín, a mellora da seguridade dunha intersección da PO-331, e a execución dun colector de saneamento

 

Santiago, 29 de xullo de 2016.- O Diario Oficial de Galicia (DOG) publica hoxe o anuncio polo que se somete ao trámite de información pública o proxecto de construción dun itinerario peonil e ciclista ao longo da estrada autonómica PO-331 na zona de Atín, no Concello de Mos. No seguinte enlace pódese consultar a información relativa ao anuncio que publica hoxe o DOG: http://goo.gl/qqaf50

 

Este documento sométese a información pública durante trinta días hábiles, dende o día seguinte á publicación deste anuncio no DOG, para que se podan formular as observacións precisas. A exposición ao público, aos efectos da presente resolución, realízase na Axencia Galega de Infraestruturas, no Servizo de Infraestruturas de Pontevedra (Rúa Fernández Ladreda, 43-1º-4º – 36071 Pontevedra) e na Casa do Concello de Mos (Rúa Reguengo, s/n, 36416 Petelos,Mos, Pontevedra) e de Porriño (Rúa Antonio Palacios, 1, 36400 O Porriño, Pontevedra).

 

A senda contará cunha lonxitude de 920 metros, que implicará un investimento de 450.000€ cuns fondos que a día de hoxe xa están garantidos para a execución da actuación dentro do Plan de Sendas de Galicia. Deste modo, farase posible a comunicación peonil das vivendas e núcleos máis próximos a este treito da PO-331 coa capitalidade do concello de Porriño, e dotará dun novo acceso peonil e ciclista, directo dende a estrada autonómica, ao colexio público de Atín.

 

A sección que se vai executar contará cun firme de formigón con cor e garantirá un ancho mínimo de 1,8 m libres para o tránsito. Isto permitirá que as persoas que se despracen pola senda teñan un espazo suficiente como para transitar e cruzarse comodamente.

 

Para poder acometer a actuación será necesaria a expropiación de 1.453 m2, cun custo estimado de adquisición dos terreos de 10.152 €. Para elo, o documento que se somete o día 29 a información pública inclúe a relación de bens e dereitos afectados pola actuación.

Actuacións complementarias de mellora da estrada

A maiores da senda en si mesma, mellorarase a seguridade viaria e a funcionalidade da propia estrada con actuacións complementarias importantes en canto á súa transcendencia:

 

• Destaca o novo acceso peonil e ciclista ao colexio de Atín, directo dende a estrada PO-331, cun ancho de 3 metros e 200 de lonxitude.
• Mellorarase a intersección da estrada de Pereiras, habilitando un cambio de sentido que mellora a funcionalidade da PO-331.
• Habilitaranse rebaixes nos treitos existentes de beirarrúa da marxe dereita da PO-331.
• Instalarase un colector de saneamento que permitirá conectar as vivendas da zona co sistema de saneamento do Louro.

 

Esta actuación enmárcase no Plan de Sendas de Galicia, que prevé a execución de 170 quilómetros de sendas sostibles, seguras e integradas na paisaxe ata 2020. Os itinerarios propostos para a comarca de Vigo foran presentados o pasado 16 de marzo pola Conselleira de Infraestruturas e vivenda, e suman 12 quilómetros en 11 novas sendas. Como se indicou naquel momento, encargáronse os proxectos construtivos das actuacións e agora iníciase a tramitación do correspondente á senda da PO-331.

 

REY VARELA AVANZA CO CONCELLO DE FOZ (LUGO) NA CESIÓN DA XESTIÓN DO FOGAR RESIDENCIAL E CENTRO DE DÍA PARA A ATENCIÓN DE PERSOAS MAIORES E DEPENDENTES PARA A SÚA APERTURA NESTE ANO

• Asegura que grazas a esta infraestrutura “axudamos a mellorar a calidade de vida de dous colectivos que ocupan un lugar fundamental nas nosas políticas como son os galegos e as galegas con menos recursos e os que sofren unha situación de vulnerabilidade pola súa dependencia”
• Anuncia que o convenio que permitirá esta cesión está en fase de tramitación e que será asinado proximamente para a inmediata posta en funcionamento do centro
• O centro conta con 80 prazas (40 de centro de día e 40 de fogar residencial), ten unha superficie de 2.317,21 metros cadrados e atópase completamente equipado. As obras de construción foron recibidas en novembro de 2015 e a Xunta de Galicia realizou un investimento total de 2.340.603,16 euros cofinanciados con fondos FEDER (80%) e fondos propios do Goberno galego (20%)

 

Foz (Lugo), 29 de xullo de 2017.- O conselleiro de Política Social, José Manuel Rey Varela reuniuse na mañá de hoxe co alcalde do Concello de Foz, Javier Jorge Castiñeira para departir acerca da situación actual do centro de día do municipio lugués. Alí, os representantes de ambas as dúas entidades avanzaron na cesión da xestión do fogar residencial e centro de día para a atención das persoas maiores do concello e da súa comarca, co obxectivo de prestar o servizo a persoas sen recursos e con alto grao de dependencia. Do mesmo xeito, coa cesión da xestión do inmoble ao Concello de Foz, as persoas maiores que se atopan na actual residencia do Concello serán acollidas no fogar residencial. A cesión realizarase polos vindeiros dous anos, coa posibilidade de prórroga doutros dous anos máis. Grazas a este acordo o centro de día e fogar residencial poderá abrir as súas portas neste mesmo ano.   

 

O responsable da área social do Goberno galego salientou que o obxectivo da Consellería de Política Social é “trasladar a recuperación das contas públicas ás familias galegas, priorizando a aquelas persoas que máis dificultades teñen”. “Grazas ao centro de día de Foz axudamos a mellorar a calidade de vida de dous colectivos que ocupan un lugar fundamental nas nosas políticas como son os galegos e as galegas con menos recursos e os que sofren unha situación de vulnerabilidade pola súa dependencia”, explicou.

 

O centro conta con 80 prazas (40 de centro de día e 40 de fogar residencial), ten unha superficie de 2.317,21 metros cadrados e atópase completamente equipado. As obras de construción foron recibidas en novembro de 2015 e a Xunta de Galicia realizou un investimento total de 2.340.603,16 euros cofinanciados con fondos FEDER (80%) e fondos propios do Goberno galego (20%).

 

Na súa visita a Foz, o conselleiro de Política Social valorou moi positivamente a cesión do centro ao concello lucense xa que, deste xeito, “garántese a inmediata posta en funcionamento do novo centro e o cumprimento dos fins para os que foi proxectado como centro de atención ás persoas maiores”. Nesta liña, Rey Varela anunciou que o convenio que permitirá esta cesión está en fase de tramitación e que será asinado proximamente para a posta en marcha do centro.

 

Outras liñas de colaboración

Ambos mandatarios sinalaron o acordo acadado respecto ao centro de día e fogar residencial como unha nova liña de colaboración entre Xunta e concello que ten beneficiado aos veciños de Foz. Neste aspecto cómpre sinalar o incremento de 2.784 horas anuais no Servizo de Axuda no Fogar ata acadar as 37.548 horas anuais e unha ratio de atención do 95,95%. Este incremento débese a un aumento da partida consignada ao SAF que no 2009 era de 140.000 euros e agora ascende ata os 360.000 euros.

 

Tocante a atención aos máis pequenos, a Xunta de Galicia investiu preto de 18.000 euros nas obras de mellora e mellora do equipamento na Escola Infantil Nosa Señora da Purificación. Cómpre subliñar que a ratio de prazas públicas en escolas infantís é do 52% cun total de 117 prazas, moi por riba da taxa aconsellada pola Unión Europea que é do 33%. Así tamén, o Concello de Foz é beneficiario de numerosas axudas para os recén nacidos, como é o caso da Tarxeta Benvida.   

 

A XUNTA CUMPRE O MANDATO DO PARLAMENTO E INSTA AO CONCELLO DE VIGO A SUMARSE AO PROGRAMA DE VIVENDAS BALEIRAS

• A iniciativa parlamentaria aprobada o 12 de xullo solicita ao Concello que propoña as vivendas de propiedade municipal que non se atopen ocupadas e que xestione a posible incorporación de inmobles de terceiros
• O Programa de Vivendas Baleiras é unha das 12 medidas que desde o Goberno galego se activou para facer fronte aos desafiuzamentos e en defensa do dereito á vivenda
• Este programa ten como fin facer dun conxunto de vivendas desocupadas unha bolsa de inmobles, incorporando casas de organismos, particulares e empresas que non se atopen habitadas para destinalas a alugueiros sociais
• A Xunta achega garantías a estas vivendas, a través dun seguro de multirrisco do fogar e outro de cobro que inclúe asistencia xurídica

 

Santiago, 29 de xullo de 2016.- A conselleira de Infraestruturas e Vivenda, Ethel Vázquez, vén de remitirlle ao Concello de Vigo unha misiva na que se insta a sumarse ao Programa de Vivendas Baleiras da Xunta, en cumprimento coa proposición non de lei que debateu e aprobou o Pleno do Parlamento de Galicia o pasado 12 de xullo.

 

A iniciativa parlamentaria aprobada solicita ao Concello de Vigo que propoña, para a inclusión no dito programa, as vivendas de propiedade municipal que non se atopen ocupadas e que estean en disposición de ser habitadas, e que xestione a posible incorporación de inmobles de terceiros.

 

O Programa de Vivendas Baleiras é unha das 12 medidas que desde o Goberno galego se activou para facer fronte aos desafiuzamentos e en defensa do dereito á vivenda. Estas medidas están recollidas nun díptico informativo enviado aos municipios galegos, entre eles o de Vigo, e tamén foron abordadas na xornada celebrada na cidade olívica o pasado mes de abril.

 

Este programa ten como obxectivo facer dun conxunto de vivendas desocupadas unha bolsa de inmobles, incorporando casas de organismos, particulares e empresas que non se atopen habitadas para destinalas a alugueiros sociais.

 

Para que o alugueiro resulte de interese para o arrendatario, a Xunta achega garantías a estas vivendas, a través dun seguro de multirrisco do fogar e outro de cobro que inclúe asistencia xurídica. E, por outra banda, o inquilino pode acceder en condicións vantaxosas a unha vivenda de forma compatible con outras axudas autonómicas, como o Bono de Alugueiro Social.

ABANCA amplía a súa colaboración con AFIGAL para incrementar o seu apoio ás pemes da Coruña e Lugo

• A entidade financeira é socio fundador e principal socio privado da SGR

O conselleiro delegado de ABANCA, Francisco Botas, e i presidente de AFIGAL, Antonio Couceiro, durante a firma do convenio.

 

ABANCA e Afianzamientos de Galicia SGR (AFIGAL) ampliaron o acordo de colaboración que une a ambas entidades e que permite ás pemes das provincias da Coruña e Lugo a obtención de avais en condicións económicas vantaxosas.

A ampliación do devandito acordo, subscrita hoxe polo conselleiro delegado de ABANCA, Francisco Botas, e o presidente de AFIGAL, Antonio Couceiro, supón a mellora das condicións das operacións avaladas por AFIGAL e amplía os produtos de financiamento que poden ser avalados.

Este acordo inscríbese na estratexia de apoio ás empresas, en especial ás pemes, base do tecido económico galego, que ABANCA aplica co obxectivo de proporcionarlles os recursos financeiros necesarios para o desenvolvemento dos seus proxectos nas mellores condicións.

O acordo é así mesmo o primeiro que AFIGAL e ABANCA subscriben na nova etapa da SGR. “ABANCA dá a benvida ao novo consello de administración de AFIGAL e valora moi positivamente o esforzo que a sociedade realizou para adoptar as mellores prácticas en materia de goberno corporativo”, destacou Francisco Botas, conselleiro delegado de ABANCA.

Principal socio privado

ABANCA é socio fundador e principal socio protector de AFIGAL, cunha participación que representa o 50% do capital social subscrito polos seus socios protectores. A entidade financeira realizou nos últimos anos varias achegas ao capital de AFIGAL co obxectivo de reforzar a súa solvencia e liquidez e incrementar a súa capacidade de avalar operacións de crédito.

ABANCA é así mesmo a entidade financeira con maior volume de investimento crediticio a empresas avalada por AFIGAL, co 58% do total de riscos financeiros garantidos por AFIGAL.

EL PUERTO DE VIGO LOGRA CAMBIAR LA TENDENCIA OBTENIENDO UN RESULTADO POSITIVO EN SU ACTIVIDAD

 

Enrique López Veiga presidió esta mañana el Consejo de Administración de la Autoridad Portuaria de Vigo

 

Vigo, 29 de julio de 2016.- Tras la celebración del Consejo de Administración, el presidente ha comparecido ante los medios para informar de los acuerdos adoptados en el mismo.

En primer lugar, hizo referencia a la aprobación del Informe de Gestión correspondiente al primer semestre del ejercicio 2016 que contempla tanto los datos económicos como los datos estadísticos.

                            En cuanto a estos últimos, se observa un ligero descenso de un 0,49% en el movimiento de Mercancías comparándolo con el mismo periodo del año anterior. Por otro lado, el de Mercancía General, sin contar los graneles, ha experimentado un crecimiento de un 1,02%.

Asimismo, destacó el tráfico intermodal, especialmente los semi-remolques ro-ro, vinculados a la Autopista del Mar, que presenta un 32,18% con un incremento considerable de las piezas auto con un 50,57% y un 4,37% el de automóviles, lo que indica la recuperación del sector de la automoción.

De igual modo, el tráfico de pesca que sigue liderando su posición como principal puerto receptor, ha sufrido un claro descenso en pesca congelada de 12,90% por la menor captura en la campaña de la flota en el Atlántico Sur-Occidental en tanto que el de pesca fresca ha experimentado un ascenso de 6,28% con respecto al mismo periodo del año anterior.

Por otra parte, los tráficos de maderas y granito elaborado presentan un comportamiento muy favorable con un 11,88% y 18,49% respectivamente; sin embargo, el tráfico de cemento viene descendiendo de manera sistemática en los últimos años alcanzando el 29,32 en los últimos seis meses. Esta tendencia ha sido recogida por la Agrupación de Fabricantes de Cemento de España, (Oficemen) que atribuye la misma a “la pérdida de capital en infraestructuras y la práctica paralización en la obra pública”

En lo que al registro de Buques se refiere, a pesar del descenso en cuanto al número, de 851 a 806, se produjo un incremento del 9,35% de los GTS.

 

Por último, respecto a los datos económicos, el presidente resaltó el incremento del 4,85% en la Cifra de Negocio en el conjunto de resultados con respecto al mismo periodo del ejercicio anterior, así como que el Resultado de Explotación acumulado en el mismo periodo arroja un resultado positivo de 104.500 euros.

En segundo lugar, López Veiga informó del valor industrial de las mercancías movidas a través del Puerto de Vigo en el 2015 que alcanzó la suma de 11.761,54 M€.

El 55,83% de dicho valor corresponde a tráfico ro.ro (627,95 millones de euros a mercancía contenedorizada y 5.938,37 M€ a convencional)

En la terminal Pública de contenedores se movieron mercancías por valor de 4.471,55 M€.

El Valor de las mercancías dedicadas al comercio internacional (incluye importaciones/exportaciones, introducciones/expediciones y tránsitos) ha descendido a 11.167,56 M€.

El Valor de las importaciones/introducciones y exportación/expediciones se ha situado en los 10.321, 83 M€, equivalentes al 30,40% del total del comercio exterior gallego.

El comercio intracomunitario introducciones/expediciones (excluidos tránsitos) alcanza los 5.065,78 millones de euros, equivalentes al 21,97% del total del comercio intracomunitario gallego.

El comercio de importación/exportación con terceros países (excepto UE) fue de 5.256,05 millones de euros, equivalentes al 48,03% del comercio exterior gallego con países no UE (10.943,68 M€)

Las importaciones/introducciones que se realizan a través del Puerto de Vigo, equivalen al 50,71% del valor de las exportaciones vía marítima de productos a la Comunidad gallega.

Las exportaciones/expediciones que se realizan a través del Puerto de Vigo, equivalen al 94,82% del valor de las exportaciones vía marítima de productos con origen la Comunidad gallega.

El Valor Industrial de las importaciones/introducciones comerciales (excluidas mercancías en tránsito) se sitúa en los 3.931,56 M€, equivalentes al 26% del total de las importaciones de la comunidad autónoma de Galicia.

El Valor Industrial de las exportaciones/expediciones comerciales (excluidas mercancías en tránsito y construcción naval) se sitúa en los 6.390,27 M€, equivalentes al 33,94% del total de las exportaciones de la comunidad autónoma de Galicia.

 

El Puerto de Vigo con el 1,03% del volumen de mercancías que se importan y exportan, vía marítima, por el sistema portuario nacional alcanza un valor del 5,57% del comercio marítimo internacional español.

Del total de exportaciones marítimas nacionales, por Vigo sale el 1,67% de esas mercancías, con un valor comercial del 7,57% del conjunto de las exportaciones marítimas nacionales.

Y en cuanto a las importaciones nacionales vía marítima, por el Puerto de Vigo entran el 0,70% del total de toneladas por un valor comercial del 3,90% del conjunto de las importaciones marítimas nacionales.

La balanza comercial exterior del Puerto de Vigo (excluidos tránsitos) arroja un saldo positivo de 2.458,70 M€.

El comercio nacional puro (excluidos tránsitos) de mercancías alcanzó los 252,14 M€.

El Valor de la pesca fresca, en primera venta en la lonja del puerto del Berbés, fue de 182,35 M€.

El valor de las mercancías en tránsito ha ascendido a 1.005,22 M€, correspondiendo 159,49 millones de euros a tránsitos nacionales y el resto a comercio entre terceros países.

El tráfico captado por el Puerto de Vigo, con origen y/o destino otras comunidades y el Norte de Portugal se cuantifica en 520 M€, el equivalente al 4,42% del valor del tráfico total portuario.

El sector de automoción se constituye como el de mayor relevancia comercial e importación/exportación, teniendo un peso de 27,22% en el comercio gallego y del 54,18% en el tráfico de mercancías del Puerto de Vigo.

El 29,85% de los automóviles que se comercializan vía marítima a nivel nacional (16.660,44 M€), se importan y exportan a través del Puerto de Vigo (4.972,73 M€)

La pesca congelada, importada por el Puerto de Vigo (1.347,43 M€), representa el 81,89% del total de importaciones pesqueras a la comunidad gallega (1.645,44 M€) y el 45% del total de importaciones marítimas nacionales.

Finalmente, el presidente se refirió a los dos informes emitidos sobre la incoación de expediente informativo a la SAGEP y empresas estibadoras, así como la incoación de expediente sancionador a AUDASA.