A CAMPAÑA MÁIS CLARO AUGA CHEGA A VIGO PARA CONCIENCIAR AOS CIDADÁNS SOBRE O CONSUMO RESPONSABLE DESTE RECURSO

 

  • IMG-20160812-WA0009Esta mañá instalouse na cidade olívica un expositor informativo para proporcionar consellos sobre o aforro de auga
  • Tamén se distribuíron redutores de caudal, para fomentar a redución de consumo deste recurso
  • As principais recomendacións de aforro son sinxelas, como revisar que as billas pechen ben, lavar os dentes ou fregar a louza coa billa pechada; ou instalar nas billas dispositivos de aforro de auga

 

 

Vigo, 12 de agosto de 2016.- A Consellería de Medio Ambiente e Ordenación do Territorio presentou esta mañá na cidade de Vigo a campaña Máis claro auga, coa que se fai fincapé na necesidade de facer un uso responsable da auga. A secretaria territorial da Xunta en Vigo, Yolanda Lesmes, visitou esta mañá o expositor informativo instalado na intersección entre a rúa Príncipe e Urzáiz, onde sinalou que o obxectivo primordial desta iniciativa é informar aos cidadáns de cómo poden contribuír ao aforro de auga no seu día a día. O expositor informativo proporcionará consellos para o aforro de auga e distribuiranse redutores de caudal.

 

Neste sentido, destácanse pequenas accións tan sinxelas como revisar que as billas pechen ben, lavar os dentes ou fregar a louza coa billa pechada, pechar a chave de paso en períodos como o verán, no que se deixan de usar as vivendas habituais; ou instalar nos billas dispositivos de aforro de auga.

 

Con esta iniciativa a Xunta de Galicia pretende concienciar á cidadanía da importancia de non desperdiciar a auga, xa que ademais de traducirse nun aforro importante de cartos para familias; garante a dispoñibilidade de auga a medio prazo, e é vital para a preservación dos hábitats e ecosistemas fluviais.

 

A campaña divulgativa con información na rúa insírese nunha acción de Goberno encamiñada a acadar un aforro deste recurso natural. A campaña destaca ademais, en contra do que se poida pensar, a idea de que en Galicia non sobra a auga, polo que é importante que cidadáns e administracións asimilen esta realidade e compartan a preocupación.

 

About Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: