O persoal de BorgWarner chega a un acordo coa dirección para renovar o convenio colectivo
Segundo explican dende o comité de BorgWarner (CIG, UGT, USO, CGT, CCOO e CSIF), o acordo coa empresa foi ratificado este sábado día 10 en asemblea por 374 votos a favor, 30 en contra, sete en branco e dous nulos.
Na consulta participaron un total de 413 dos 598 traballadores/as da compañía que fabrica componentes para o sector da automoción. O preacordo coa compañía alcanzárase o pasado día 2 tras máis de 40 xuntanzas e despois de que os empregados/as fixesen pública a súa intención de convocar unha folga.
Unha vez asinado o acordo, o convenio colectivo terá unha duración de catro anos e contempla un incremento salarial lineal de 400 euros anuais a aplicar sobre o salario base para o conxunto do cadro de persoal. Entre os principais aspectos que a parte social logrou incorporar ao texto figura a realización de 40 contratos indefinidos no colexio de especialistas e non cualificados/as, ademais de establecerse que o 70% da contratación deberá ser indefinida e o 4% deberá corresponder a persoas con discapacidade. Ao mesmo tempo, o persoal de BorgWarner logrou a retirada da categoría de nova entrada na empresa, polo que o persoal eventual parasará a cobrar igual que indefinido nun prazo máximo de tres anos.
En canto ao complemento por cantidade de traballo, pasa a ser de importe fixo co máximo da prima de produción. No colexio de técnicos/as e administrativos/as establécese un complemento por produtividade dun máximo de 600 euros anuais para todos/as aqueles/as que cobren menos de 30.000 euros ao ano. Outra das melloras que se introducen no convenio é o dereito a dous días laborábeis por asuntos propios por ano natural para todos os traballadores/as.
No que respecta ás baixas por enfermidade ou accidente, no colexio de especialistas a prestación da incapacidade temporal complementarase ao 100% da base reguladora dende o primeiro día de baixa. Ademais, o seguro colectivo fixa unha indemnización de 28.000 euros por enfermidade profesional ou accidente laboral con resultado de invalidez permanente en grao parcial.
Finalmente, a empresa renuncia a non utilizar a distribución irregular da xornada laboral e a non aplicar a causa de despido por razóns obxectivas que figura no artigo 52 d/ do Estatuto dos Traballadores/as durante a vixencia do presente convenio colectivo.
Pladesemapesga denuncia ante la Xunta Electoral de Galicia y la Fiscalía un «fraude gigantesco de perfiles falsos del PPdeG para lograr la mayoría de la Xunta de Galicia».
EVENTOS cafe teatro vigo
SÁBADO de 17 Septiembre:GALICIA PECHOU O PRIMEIRO SEMESTRE ENTRE AS COMUNIDADES QUE PAGAN MÁIS RÁPIDO AOS PROVEDORES, 29 DÍAS ANTES QUE A MEDIA
- O período medio de pago da Xunta de Galicia baixa aos 17,2 días, fronte aos 46,5 días do conxunto das CCAA
- Galicia mantense como a terceira comunidade de réxime común con menor tempo medio de pago e con menor débeda comercial
Santiago, 12 de setembro de 2016.- Galicia pechou o primeiro semestre entre as comunidades autónomas que pagan con máis axilidade aos seus provedores, segundo ratifican os datos publicados hoxe polo Ministerio de Hacienda y Administraciones Públicas referentes ao mes de xuño. O tempo medio de pago ese mes foi de 17,2 días en Galicia, o que supón 29,2 días menos que a media autonómica, que foi de 46,5 días.
Os datos do Ministerio de Hacienda mostran que Galicia presenta un tempo medio de pago só inferior en dúas comunidades autónomas (Canarias e Asturias) e nas dúas comunidades de réxime foral. Ademais, o período medio de pago no mes de xuño baixou en Galicia en case un día sobre o mes anterior.
O informe presentado polo Ministerio de Hacienda mostra tamén que só oito comunidades autónomas cumpriron o tempo máximo de pago de 30 días que establece a lexislación estatal. Entre elas figuran Galicia e outras cinco comunidades de réxime común.
Galicia mantense un mes máis como unha das comunidades que mellor atende aos seus provedores, axilizando os pagos e evitando problemas de liquidez ás empresas que prestan servizo á Administración galega.
Galicia é tamén a terceira comunidade de réxime común con menor débeda comercial, cunha ratio de débeda/PIB do 0,49%, fronte ao 0,66% de media no conxunto das comunidades autonómicas. Este indicador baixou en xuño ata os 284,4 millóns, o que supón un descenso de 60,6 millóns de euros, un 17,6% menos.
| Período Medio de Pago – Xuño 2016 (*CCAA de réxime foral) | ||||
| Navarra* | (5,31) | Cataluña | 38,44 | |
| País Vasco* | (1,84) | MEDIA CCAA | 46,49 | |
| Canarias | 4,21 | Madrid | 50,23 | |
| Asturias | 10,56 | C.Valenciana | 63,78 | |
| Galicia | 17,25 | Aragón | 65,91 | |
| A Rioxa | 17,58 | Baleares | 71,74 | |
| Andalucía | 21,12 | Murcia | 81,88 | |
| Castela-A Mancha | 22,31 | Estremadura | 87,96 | |
| Cantabria | 33,93 | Castela e León | 94,58 | |
PRETO DE 40.000 ESCOLARES DE EDUCACIÓN ESPECIAL, INFANTIL E PRIMARIA COMEZAN HOXE O CURSO 2016/2017 EN VIGO E A SÚA ÁREA
- A secretaria territorial da Xunta en Vigo, Yolanda Lesmes, e o xefe territorial da Consellería de Cultura e Educación, César Pérez Ares, asistiron ao inicio do curso na EEI Monte da Guía.
Vigo, 12 de setembro de 2016.- Hoxe luns 12 de setembro comezou o curso escolar 2016/2017 para preto de 40.000 nenos e nenas de Educación Especial, Infantil e Primaria dos centros educativos situados no ámbito da área territorial de Vigo.
Concretamente, e segundo os datos provisionais recompilados polos servizos estatísticos da Consellería de Cultura e Educación, son 39.765 os escolares matriculados na área chegando a cifra de Vigo cidade aos 24.095 alumnos e alumnas, tendo en conta o dato de matriculación dos centros públicos coma dos privados e/ou concertados. Neste sentido cómpre lembrar que as cifras de matriculación poden ir mudando ao longo do curso escolar.
No que respecta aos datos de Educación Infantil, neste curso comezan as clases un total de 12.253 nenos e nenas na área territorial de Vigo mentres que no que respecta á Educación Primaria a cifra é de 27.169 escolares. Por último, os alumnos de Educación Especial que hoxe comezaron o curso son un total de 334 tendo en conta os centros de Vigo e área. Tamén comezaron a funcionar os servizos de transporte e de comedor escolar.
| EDUCACION INFANTIL 2016/2017 | EDUCACIÓN PRIMARIA 2016/2017 | EDUCACIÓN ESPECIAL
2016/2017 |
|
| Salvaterra do Miño | 242 | 537 | |
| Cangas | 726 | 1.657 | 5 |
| Moaña | 423 | 1.061 | |
| Baiona | 241 | 551 | |
| Fornelos de Montes | 27 | 56 | |
| Gondomar | 399 | 664 | |
| Mos | 582 | 1.242 | 7 |
| Nigrán | 415 | 986 | 50 |
| Pazos de Borbén | 54 | 136 | |
| O Porriño | 566 | 1.169 | 34 |
| Redondela | 626 | 1.548 | |
| Salceda de Caselas | 277 | 561 | |
| Soutomaior | 252 | 562 | 5 |
| Vigo | 7.423 | 16.439 | 233 |
| Total | 12.253 | 27.169 | 334 |
A secretaria territorial da Xunta en Vigo, Yolanda Lesmes Romero, e o xefe territorial da Consellería de Cultura e Educación, César Pérez Ares, asistiron hoxe ao inicio do curso na EEI Monte da Guía, que conta con alumnado entre 3 a 6 anos e que, coma resaltou a secretaria territorial, é “pioneira” e todo un referente en proxectos educativos para os escolares. De feito, acadaron diversos premios no curso 2015/2016 a través de Voz Natura ao Mellor proxecto, mellor blog e mellor vídeo. Acompañados pola directora do centro, María Jesús Iglesias, e polo alcalde Abel Caballero, coñeceron as aulas de 4 e 5 anos.
A XUNTA REMATA A RENOVACIÓN DO COLECTOR DE DRENAXE NA ESTRADA ENTRE FILGUEIRA E PONTE BARXA, EN CRECENTE, COA FIN DE EVITAR OS DESBORDAMENTOS NO NÚCLEO DE SURREIRO
A conselleira de Infraestruturas e Vivenda, Ethel Vázquez, mantivo hoxe unha xuntanza de traballo co alcalde de Crecente, Julio García
- Vázquez Mourelle indica que coa fin de evitar estes asolagamentos na rede de pluviais, procedeuse a renovar un treito do colector existente ao longo de 90 metros, no que a pendente era reducida, por outro de maior capacidade
- Nesta reunión tamén se analizaron as obras de emerxencia, xa executadas, para arranxar cinco desprendementos ocasionados polos temporais de chuvia do inverno pasado na estrada que vai a Salvaterra, a PO-400
- A conselleira explicou que son actuacións que se enmarcan na aposta do Goberno galego por manter as estradas nas mellores condicións e garantir a seguridade viaria
Crecente (Pontevedra), 12 de setembro de 2016.- A conselleira de Infraestruturas e Vivenda, Ethel Vázquez, mantivo hoxe unha xuntanza de traballo co alcalde de Crecente, Julio García, na que abordaron unha obra rematada recentemente, a renovación do colector de drenaxe na estrada que vai de Filgueira a Ponte Barxa, a PO-801, ao seu paso polo núcleo do Surreiro.
Estes traballos executáronse ao longo do mes de agosto, finalizaron o día 31, e supuxeron un investimento da Xunta de 46.000 euros.
Esta intervención vén dar solución aos problemas de desbordamento que se viñan rexistrando no colector do Surreiro, xa que as obras de acondicionamento executadas na estrada PO-801 derivaron máis auga cara a esta canalización, que non tiña capacidade suficiente para aliviar o fluxo que recibía.
Vázquez Mourelle indicou que coa fin de evitar estes pequenos asolagamentos na rede de pluviais, procedeuse a renovar un treito do colector existente ao longo de 90 metros, no que a pendente era reducida, por outro de maior capacidade.
Para substituír a tubaxe houbo que demoler primeiro o pavimento de formigón do camiño, que foi reposto, ao igual que un tramo duns 70 metros da rede de saneamento que se viu afectada polas obras.
Nesta reunión tamén se analizaron outras actuacións como as obras de emerxencia, xa executadas, para arranxar cinco desprendementos ocasionados polos temporais de chuvia do inverno pasado na estrada que vai a Salvaterra, a PO-400, ao seu paso por Crecente, cunha achega de 260.000 euros.
Na xuntanza tamén se estudaron posibles colaboracións futuras entre Xunta e Concello para mellorar outros puntos da rede viaria municipal e autonómica.
A conselleira explicou que son actuacións que se enmarcan na aposta do Goberno galego por manter as estradas nas mellores condicións e garantir a seguridade viaria, unha materia prioritaria para a Xunta.
VGO MAgazine 