Archive | septiembre 17, 2016

A ACTUACIÓN DE ‘ARGONATS’ E A SAÍDA E CHEGADA DA ÚLTIMA ETAPA DA ‘VOLTA CICLISTA A GALICIA’, CENTRAN A FIN DE SEMANA DE ACTIVIDADES DAS FESTAS DO CRISTO

volta argonats2Dentro do programa das Festas do Cristo do Porriño, esta fin de semana haberá actividades dende primeira hora do sábado, día 17, e tamén o domingo, 18, de setembro.

O sábado o día empezará ás 9 da mañá co inicio do ‘Torneo de Minitenis’, no Colexio Fernández López e nas pistas de tenis, os encontros se disputaran ata ás 2 da tarde; ás 4 e media, na Pista de Torneiros, a ‘XXXIX Edición do Trofeo Festas de Cristo de Ciclismo’ en categorías base.

Xa pola tarde, na Praza Antonio Palacios, diante do Concello, chegará a hora da ‘Festa da Auga’ e o día rematará co concerto do grupo de acordeóns, Argonats na Carpa do Roxy.

O domingo chega un dos actos centrais das Festas do Cristo 2016: a saída e chegada da última etapa da XI Volta Ciclista a Galicia. Os participantes subirán o Alto da Abelenda, un dos lugares imprescindíbeis para cada un dos ciclistas do Porriño que, ademais, pode ser decisivo no resultado final da proba, que este ano presenta un perfil especialmente duro e esixente.

As actividades da fin de semana complétanse coa Festa Medieval que, durante todo o día terá lugar no Círculo Recreativo e Cultural.

Unha perceptora da RISGA fala do acoso que sofre por parte da traballadora social

Partillamos o relato dunha muller, perceptora da RISGA, que mudou a súa residencia a Nigrán. Dende a primeira cita comezaron os problemas coa traballadora social. A muller violéntalle o posicionamento desta profesional: fai visitas domiciliarias sen acordar con ela, fixa unha dinámica de control abusivo, realiza xuízos de valor… Semella que esta práctica non a sofre só esta muller, xa que máis veciñas de Nigrán falan tamén de ter sufrido prácticas parecidas. Seica responsables políticos de Nigrán son coñecedores, dende hai tempo, da problemática, sen que tomaran medidas para garantir os dereitos dunha parte importante das veciñas de Nigrán.

Aquí tedes o relato:

acosadaA traballadora chámase Ana, a primeira cita que tiven con ela foi a primeiros de xullo, foi unha cita moi breve pero xa me din conta de como ía ser o percal pola súa actitude, pola súa prepotencia, bordería e formas intimidatorias. O primeiro que me dixo foi que isto non era Vigo e que aquí as cosas eran moi diferentes, que tiña que facerme un proxecto novo de RISGA e que con ela os seguimentos son todos os meses, o ultimo mércores de cada mes, e que tiña que entregarlle cada mes unha folla que me da ela onde teño que apuntar a que empresas envío curriculums e xustificalo con copia impresa do email ou se é presencial copia do cv selada. Tamén que teño que entregarlle a folla de medicación que me estea a dar o médico de cabeceira e un informe médico de todo o que apareza no meu historial (todo isto antes de ela recibir o meu expediente polo traslado). Díselle que eu pedira a discapacidade e que todas as probas estaban no expediente e dixo que aínda así ela quería un informe médico.

Tiven a segunda cita o 27 de xullo e cando me pediu a folla onde teño que cubrir a onde envío cv, e a viu en branco xa se cabreou e preguntoume porque non había mandado ningún cv. Expliqueille que non atopara ningunha oferta na que puidera me inscribir, que non íame a inscribir en calquera posto de traballo que ademais que primeiro buscaba do meu, non había postos que puidera desempeñar ou por experiencia ou por distancia ou por esforzo físico ou porque simplemente non vou a apuntarme en traballos de soldador, carretilleiro, fresador, enfermeiro, comercial etc. A súa resposta foi “esto no es Vigo que es un pitorreo, ya vi tu expediente y llevas años sin trabajar, que estabas buscando de lo tuyo y no encontraste nada, es increíble! Aquí las cosas son muy diferentes y tienes que inscribirte en todas las ofertas!” Eu lle dixen que non podo facer calquera traballo, que teño mal o lombo e que pedín a discapacidade, que ten toda esa información e que se me obrigaba a traballar nalgo que non puidera fisicamente acabaría mancándome e collendo unha baixa. A súa resposta foi“A mí me da exactamente igual que te cojas una baja, no es problema mío”, “de momento no llegas al 33% por lo tanto no tienes ninguna discapacidad y puedes hacer cualquier tipo de trabajo, hay gente peor que tú y esta trabajando”. Tamén lle dixen que me apuntara a algúns cursos do ministerio e do INEM que estaba esperando resposta e me dixo que teño que xustificarllo con copia que pida no INEM. Pediume o informe medico e díxenlle que o meu médico estaba todo o mes de vacacións e ensineille o papel da cita que me deron e por detrás estaba escrita polo recepcionista do centro de saúde onde puña que o médico volvía o 17 de agosto e selado. Ela, quedouse con este papel cando era meu. Díxome que viría durante o mes de agosto o meu domicilio para facer a visita e que me chamarían do proxecto de inclusión.

O 19, ás 9:30 da maña timbráronme na porta, eu estaba durmindo xa que me doia as costas, e non abrín, entón chamáronme ao telefono e collín, era a traballadora social, que viña facer a visita domiciliaria. Saín a porta e pregunteille por que non me avisara, díxome que nunca avisaban. Díselle que as outras dúas veces que me fixeron a visita en Vigo si que me avisaban aínda que fora unha hora antes, e dixo que ela non avisaba. Expliqueille que estaba na cama que me doian as costas que se podía vir noutro momento e que me gustaría que me avisara para a próxima e dixo que non o faría.

O día 24 volveu a timbrarme na porta as 13:30, saín a abrirlle e disenlle que estaba acompañada e que non era bo momento, que ademais estaba pasando por un mal momento estes días e que non me apetecía que entrara. Pregunteille que e o que ten que ver da vivenda, e xa se puxo nerviosa: “Como que qué tengo que ver? Tengo que entrar, ver si cumple las condiciones, cuántas habitaciones tiene, ver la cocina y el baño y hablar contigo de cosas, vamos una visita!”. Díxenlle que o que quixera falar podía falarmo na porta e que a verdade me gustaría que me avisara xa que eu podía non estar ou estar acompañada que non me parecía. Ela díxome que non avisaba para pillar incumprimentos, e que nunca tivera ningún problema con ninguén por iso, que era o meu problema, que xa viñera dúas veces e non a deixara pasar…que será porque teño algo que esconder…que ela mandaba informe disto a RISGA a ver que lles parece,que son eles quen me dan a axuda, non ela.