POLÍTICA SOCIAL ASINA UN CONVENIO COA FUNDACIÓN SECRETARIADO XITANO PARA O DESENVOLVEMENTO DO PROGRAMA PROMOCIONA PARA A REDUCIÓN DO ABANDONO ESCOLAR

  • A Consellería de Política Social outorgará 35.000 euros para acadar taxas máis elevadas de éxito académico do alumnado de etnia xitana a través da normalización educativa durante a etapa de escolarización obrigatoria
  • “A elaboración de políticas activas para a poboación xitana co obxectivo de mellorar as súas condicións de vida, e garantir a igualdade de oportunidades no seu acceso aos servizos públicos é unha das nosas prioridades”, explicou o conselleiro José Manuel Rey Varela

 

Santiago, 23 de setembro de 2016.- A Consellería de Política Social, a través da Dirección Xeral de Familia, Infancia e Dinamización Demográfica, vén de asinar un convenio de colaboración coa Fundación Secretariado Xitano para contribuír ao financiamento do desenvolvemento do ‘Programa Promociona’. Unha iniciativa novedosa que ten por obxecto promover a finalización dos estudos obrigatorios e reducir o abandono escolar na comunidade xitana.

 

Ao abeiro do convenio subscrito entre ambas entidades, a Consellería de Política Social outorgará 35.000 euros para a posta en marcha deste programa destinado ao apoio aos escolares de etnia xitana e ás súas familias. Así, o obxectivo pasa por acadar taxas máis elevadas de éxito académico a través da normalización educativa do alumnado xitano durante a  etapa de escolarización obrigatoria, con especial incidencia no último ciclo de Educación Primaria (5º e 6º curso) e en Educación Secundaria Obrigatoria (1º a 4º curso). Así mesmo, o Programa “Promociona” promoverá a continuidade en estudios medios, superiores e formación profesional para o que se prestará orientación educativa e familiar e sesións de apoio escolar e reforzo aos alumnos.

 

“A elaboración de políticas activas para a poboación xitana co obxectivo de mellorar as súas condicións de vida, e garantir a igualdade de oportunidades no seu acceso aos servizos públicos é unha das nosas prioridades”, explicou Rey Varela. Neste sentido afondou que “para que os cidadáns teñan as mesmas oportunidades cómpre que estes teñan o mesmo nivel de formación, por iso hoxe achegamos máis a educación ao colectivo xitano, para que os nosos mozos e mozas teñan unha formación diversa pero equitativa”.   

 

Deste xeito, a Xunta de Galicia, a través da Consellería de Política Social, cumpre coa súa competencia de asistencia social e as súas funcións de apoio á familia, á infancia e á adolescencia entre outras. A planificación e coordinación das entidades prestadoras de servizos sociais no sector socio familiar así como a cooperación coas entidades de iniciativa social, son prioridades para o Goberno da Comunidade Autónoma de Galicia.

 

Fundación Secretariado Gitano Galicia

A FSG é unha entidade social intercultural sen ánimo de lucro que presta servizos para o desenvolvemento da comunidade xitana en Galicia. Dende o ano 2001, desenvolve programas e accións que pretenden fomentar a participación social e a incorporación laboral da comunidade xitana en Galicia, e apoiar as iniciativas que, dende distintas entidades, teñen por obxecto a mellora das condicións de vida das persoas xitanas. Na actualidade atende a preto de 2.000 persoas e conta con sedes en Lugo, Santiago, A Coruña, Narón, Pontevedra e Vigo. Ademais de programas como ACCEDER, a FSG desenvolve outros programas a nivel local, de equipamento para a acción social, de intervención social, de busca de emprego, de muller, de drogodependencias ou de educación de persoas adultas entre outros.

 

Acerca de Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: