Archivo | noviembre 30, 2016

A XUNTA INICIA EN MOS O OBRADOIRO DE EMPREGO CONCILIAMOS PARA OFRECER FORMACIÓN E TRABALLO A 20 PERSOAS DESEMPREGADAS

  • 30112016_ooeemos2Este programa mixto de formación e emprego conta con dúas especialidades: carpintería e dinamización educativa no tempo libre  
  • O delegado territorial da Xunta en Vigo, Ignacio López-Chaves, xunto á alcaldesa de Mos, Nidia Arévalo, e o concelleiro de Emprego, Óscar Soto, deron hoxe a benvida aos 20 alumnos e alumnas
  • A Xunta inviste 180.000 euros nesta iniciativa que ten unha duración de 6 meses
  • A administración autonómica concedeu este ano un total de 12 OOEE aos concellos da área territorial de Vigo cun investimento de 1,9 millóns de euros, o que supón un incremento superior ao 60% con respecto ao dato do ano 2015

Mos, 30 de novembro de 2016.- A Xunta de Galicia, a través da Consellería de Economía, Emprego e Industria, deu comezo estes días no Concello de Mos o Obradoiro de Emprego ConciliaMos, no que se ofrece formación e traballo a 20 persoas desempregadas do municipio durante 6 meses.   

Este programa mixto de formación e emprego se centra na realización de obras ou prestación de servizos de interese xeral e social que posibilitan un traballo que, xunto coa formación profesional para o emprego, procura a cualificación profesional e favorece a posterior inserción laboral das persoas desempregadas que o realicen. Ademais, esta formación impulsa tamén o emprendemento xa que os beneficiarios recibirán formación específica que lles permitirá iniciar os seus propios proxectos.

Neste caso concreto de Mos, a Xunta inviste preto de 180.000 euros para poñer en marcha esta iniciativa que comezou hai dous días e durará ata finais do mes de maio do vindeiro ano. Con este obradoiro se formarán a 20 alumnos e alumnas nas especialidades de carpintería (8 persoas) e dinamización educativa no tempo libre (12). Ademais de recibir esta formación tamén percibirán o salario mínimo interprofesional.

O fin do obradoiro é así a formación teórica e práctica nestas especialidades e, concretamente, os alumnos e alumnas elaborarán elementos en madeira para diversas instalacións municipais e medioambientais do concello ademais de levar a cabo a atención e dinamización educativa de menores de 3 anos nas escolas infantís Galiña Azul, o desenvolvemento do programa de conciliación en infantil e primaria e tamén do programa de atención a necesidades educativas de nenos e nenas e mozas no tempo libre.

O delegado territorial da Xunta en Vigo, Ignacio López-Chaves, xunto á alcaldesa de Mos, Nidia Arévalo, e o concelleiro de Emprego, Óscar Soto, deron esta mañá a benvida aos 20 participantes ademais de saudar ao persoal a cargo do curso, que estará formado por un director, un titor, dous docentes e unha persoa administrativa de apoio.

O representante da Xunta en Vigo e a súa área destacou a aposta do Goberno galego polo emprego e por este tipo de iniciativas mixtas que contan cunha dobre finalidade porque aportan formación toda vez que garanten un traballo remunerado para as persoas en situación de desemprego. López-Chaves animou aos alumnos e alumnas a aproveitar esta oportunidade e gabou o traballo que se está a facer dende o Concello de Mos neste ámbito lembrando os 7 obradoiros de emprego que xa teñen organizado nos últimos anos e que permitiron, por exemplo, a recuperación da aldea Alfacuca ou a rehabilitación da casa reitoral de Petelos.

Obradoiros de Emprego na área de Vigo

A Xunta concedeu neste ano 2016 un total de 12 Obradoiros de Emprego aos concellos da área territorial. Diferéncianse en ordinarios e de garantía xuvenil, estes últimos para menores de 30 anos. Foron 8 obradoiros ordinarios e 4 de garantía xuvenil os concedidos a 10 concellos da área de Vigo cun investimento total de 1,9 millóns de euros, o que supón un incremento superior ao 60% con respecto aos datos do ano 2015.

Ademais do Concello de Mos, os municipios beneficiados onde se imparten os obradoiros son: Vigo, Redondela, Cangas, O Porriño, Moaña –Padroado Municipal de Beiramar-, Soutomaior e os tres concellos da Mancomunidade do Val Miñor (Baiona, Nigrán e Gondomar). Os xuvenís teñen lugar en Redondela, Vigo, Mos e Val Miñor. En total se verán beneficiadas 220 persoas en situación de desemprego das que 160 realizarán as súas tarefas nos OOEE ordinarios e 60 nos de garantía xuvenil co obxectivo de mellorar a súa inserción laboral.

‘ASOCIACIÓN PROFESIONAL DE LA MAGISTRATURA’ Y ‘JUECES PARA LA DEMOCRACIA’ PARTICIPAN MAÑANA EN VIGO EN EL FORO DE DERECHO ALUMNI PONTEVEDRA DE LA UNIVERSIDAD DE NAVARRA

Vigo, 30 de noviembre de 2016.- Manuel Almenar, presidente de la Asociación Profesional de la Magistratura; e Ignacio González, portavoz nacional de Jueces para la Democracia; participarán mañana jueves, 1 de diciembre, a partir de las 13:30h, en el Hotel NH Collection Vigo, en un Almuerzo-Coloquio organizado por el Foro de Derecho Alumni Pontevedra de la Universidad de Navarra.

En el encuentro, los ponentes analizarán la situación actual de la justicia española desde la perspectiva de ambas entidades.

CONFERENCIA

“VISIÓN DE LA JUSTICIA ESPAÑOLA”

PARTICIPAN: Manuel Almenar, presidente de la Asociación Profesional de la Magistratura

– Ignacio González, portavoz nacional de Jueces para la Democracia

ORGANIZA: Foro de Derecho Alumni Pontevedra de la Universidad de Navarra

FECHA: Jueves, 1 de diciembre de 2016

HORA: 13:30 horas

LUGAR: NH Collection Vigo (García Barbón, 17-19 – Vigo)

AIMEN y WÄRTSILÄ Ibérica organizan el seminario “NEXT-BEARINGS: desarrollo de una nueva generación de componentes navales para la línea de ejes de buques”

O Porriño, 30 de noviembre de 2016.- El Centro de Aplicaciones Láser de AIMEN, en O Porriño, acoge mañana jueves, 1 de diciembre, a partir de las 10:00 horas, la celebración del seminario “NEXT-BEARINGS: desarrollo de una nueva generación de componentes navales para la línea de ejes de buques”.

El objetivo de la jornada, dirigida a astilleros y a empresas auxiliares del sector naval y metalmecánico; es dar a conocer las principales líneas de trabajo, actividades y primeros resultados de la iniciativa NEXT-BEARINGS, Unidad Mixta formada por AIMEN y WÄRTSILÄ Ibérica

ABANCA lanza a tarxeta ‘Tú’, que permite tres formas de pago a crédito e alta funcionalidade a través da App móbil

  • É un produto único no mercado que combina amplas prestacións cunha xestión personaIizada e flexible desde a banca móbil
  • O cliente decide para cada operación entre o pago a fin de mes, en varios prazos ou cunha cota fixa, e pode cambialo en calquera momento
  • As súas condicións son moi competitivas, con opción de pago aprazado mediante xuros ou comisións, segundo as necesidades do cliente
  • ‘Tú’ admite ademais a súa utilización a débito polo que o cliente pode utilizala como a súa única tarxeta bancaria
20161128-tarjeta-tu
Visa Tú é unha das primeiras tarxetas de crédito en España estreitamente vinculada á banca móbil.

 

20161128-tarjeta-tu-2
A tarxeta combina as súas amplas funcionalidades coas vantaxes do novo servizo APPlázame de ABANCA.

 

30-11-2016

ABANCA inicia hoxe a comercialización da tarxeta Visa Tú, un medio de pago único no mercado pola súa polivalencia, flexibilidade, e alta funcionalidade a través da aplicación de banca móbil da entidade.

‘Tú’ é unha das primeiras tarxetas de crédito en España estreitamente vinculada á banca móbil, que permite ao cliente adaptar o financiamento ás súas necesidades en apenas uns segundos, ao combinar as súas funcionalidades coas vantaxes do novo servizo APPlázame da entidade.

É unha tarxeta polivalente e flexible con deseño vertical, que integra múltiples servizos nun único produto, cunhas condicións moi competitivas. Cun único límite de crédito, a tarxeta combina o habitual cargo a fin de mes sen custo, o aprazamento a varios meses e o pago cunha cota fixa mensual (coma se fose unha tarxeta revolving).

Unha vez efectuada a compra, o titular poderá elixir para cada operación que forma de pago ou prazo lle interesa máis e poderá cambialos en calquera momento e as veces que queira, antes do primeiro cargo da súa liquidación. As modificacións poderá realizalas desde o seu móbil ao instante e de xeito moi sinxelo grazas ao servizo APPlázame de ABANCA, e tamén desde a banca electrónica.

Outra das prestacións da tarxeta Visa Tú é o seu funcionamento dual a débito e crédito, polo que, se o cliente o desexa, pode utilizala como a súa única tarxeta bancaria. No caixeiro, o cliente escolle a forma de pago: pode retirar diñeiro a débito, con cargo á conta que teña asociada, ou a crédito, con cargo ao propio crédito da tarxeta. Ademais, proximamente Visa Tú permitirá amortizar operacións con pago a fin de mes de xeito inmediato, como se se tivesen realizado cunha tarxeta de débito.

Condicións financeiras

As condicións da nova tarxeta de ABANCA sitúanse entre as máis competitivas do mercado neste momento. As operacións con pago en cota fixa contarán cun tipo de xuro a partir do 8,76%, en función da vinculación do cliente coa entidade. As compras tamén se poderán aprazar entre 3 e 12 meses sen xuros mediante o pago dunha comisión de entre o 1 e o 4%. A tarxeta será gratuíta se o cliente cumpre as condicións do Programa Cero Comisións de ABANCA ou se realiza compras superiores a 3.000 euros ao ano con este medio de pago.

Con esta nova iniciativa, ABANCA continúa a súa estratexia de reforzo do seu posicionamento no mercado do financiamento ao consumo e os medios de pago. Nesta liña, a entidade conta desde este mes cunha unidade especializada, ABANCA Consumer Finance, que se encargará do desenvolvemento das liñas de negocio ligadas ao financiamento no punto de venda co obxectivo de competir cos establecementos financeiros de crédito. Esta nova unidade de negocio prevé conceder financiamento por importe de 400 millóns de euros durante a súa primeira fase de desenvolvemento.