O ballet nacional ruso interpretará A bela durminte en Afundación

Afundación acollerá nas cidades de Vigo e Pontevedra o espectáculo de ballet, A bela durminte, de man da compañía de ballet nacional ruso, dirixida por Serguei Radchenko. A función mañá, día 13 de decembro, no Teatro Afundación de Vigo (Policarpo Sanz, 13) e pasado mañá na Sede Afundación de Pontevedra (Augusto González Besada, 2-4), en ambos os casos, ás 20.30 h. A representación está estruturada en 4 actos e prólogo e intervirán os seguintes solistas: Maria Sokolnikova, Maria Klueva, Anna Zimovchenko, Olga Gudkova, Alexandra Krukova,Dmitri Sitkevich, Nurlan Kinerbaev, Alexander Daev e Ivan Zviagincev. As entradas xa están dispoñibles a través das vías habituais de comercialización da entidade: en  Ataquilla.com ou no teléfono 902 504 500.