Actividades SmartPeme do Porriño ata finais de mes

O punto SmartPeme do Porriño, desenvolve durante o mes de febreiro diferentes actividades, de balde, na súa sede do Multicentro de Torneiros. As mesmas empezaron o pasado día 2 e continúan ata o día 22, a partires das 7 da tarde.

O vindeiro día 7 tratarase, ‘Redes sociais para a empresa: ¿é Twitter a túa solución?’; o martes 14, ‘Elixe a túa plataforma de comercio electrónico’; o venres, día 17, ‘Como mellorar a percepción da túa clientela cos teus e-mails’ e o mércores día 22, Comercio electrónico para PEMES (Prestashop)

Para asistir ós eventos e preciso reservar praza, indicando evento ó que están interesados en asistir. Para isto, os interesados teñen á súa disposición varias canles, por medio do teléfono  886 20 20 20, por Email ao enderezo: oporrino.smartpeme@depo.es ou entrando no portal web  www.smartpeme.depo.es.