Archive | junio 8, 2017

IESIDE organiza o seminario «Mercados financeiros: investimento colectivo, seguros e inversión inmobiliaria» no seu Campus de Vigo

O Instituto de Educación Superior Intercontinental da Empresa (IESIDE) organiza no seu Campus de Vigo (Av. de Madrid, 60) o seminario «Mercados financeiros: investimento colectivo, seguros e inversión inmobiliaria» incluído nos Business Program Days. Será impartido porDavid Sánchez Sánchez e Francisco Javier Velasco Santiago e desenvolverase mañá venres 9 de xuño de 09.00 a 14.15 h e de 16.30 a 21.45 h e o sábado 10 entre as 09.00 e as 14.15 h. Máis información e inscricións aquí. 

O Teatro Afundación de Vigo acolle o espectáculo familiar ‘Chiquijamming’

O Teatro Afundación de Vigo (Policarpo Sanz, 13) albergará mañá venres 9 de xuño, ás 18.30 h, o espectáculo teatral para toda a familiaChiquijamming. Trátase dun evento dirixido especialmente a nenas e nenos de 5 a 12 anos que toma como base a improvisación e a participación activa do público. As entradas pódense adquirir a través das vías habituais de comercialización da entidade: na páxina web Ataquilla.com ou no teléfono 902 504 500.

ABANCA redobra o seu compromiso co sector primario no arranque da Feira Internacional ABANCA-Semana Verde

  • A entidade financeira estará presente na XL edición cun stand no que presentará o seu catálogo de crédito adaptado e a súa oferta de xestores especializados
  • A unidade ABANCA Agro, presentada hai dous anos neste certame, consolídase como socio financeiro de referencia do sector
  • O banco afianza a súa posición de liderado en domiciliación de axudas PAC en Galicia tras incrementar cota de mercado
20170608-abanca-semana-verde-3
O stand de ABANCA na Feira Internacional ABANCA-Semana Verde de Galicia

Descarga en alta resolución

20170608-abanca-semana-verde-2
O stand de ABANCA na Feira Internacional ABANCA-Semana Verde de Galicia

Descarga en alta resolución

20170608-abanca-semana-verde-1
O director de ABANCA Agro, Jesús Combarro (primeiro pola esquerda), xunto ao stand de ABANCA na Feira Internacional ABANCA-Semana Verde de Galicia

Descarga en alta resolución

08-06-2017

ABANCA consolida o seu compromiso co sector primario en Galicia e apoia un ano máis a celebración da Feira Internacional ABANCA-Semana Verde de Galicia. Un certame de referencia no primario do noroeste que este ano cumpre catro décadas con máis de 630 expositores de diversos países. O presidente de ABANCA, Javier Etcheverría de la Muela, participará esta tarde no acto de inauguración da feira, xunto ao director de Banca de Empresas e Pemes de ABANCA, Víctor Casal, e o director de ABANCA Agro, Jesús Combarro.

A proposta de valor coa que a entidade financeira galega acude ao certame toma como base a súa unidade especializadaABANCA Agro, que se presentou precisamente nesta feira hai agora dous anos. Esta división centrada no sector primario conta co maior número de xestores especializados e formados nas necesidades do colectivo na comunidade. Xunto a isto, o banco con sede en Galicia presentará o seu catálogo sectorial de crédito, unha proposta de financiamento con opcións adaptadas a todas as necesidades do colectivo, tanto para dar resposta aos investimentos como a gastos de circulante. A maiores da oferta sectorial propia da entidade para o sector, os asistentes tamén poderán obter información en detalle dos convenios actualmente en vigor e que son de aplicación ao sector.

O apoio de ABANCA ao sector primario faise extensible a toda a cadea de valor que integra o segmento. Unha resposta adaptada ás necesidades específicas dos produtores, os provedores de servizos, a industria transformadora e os comercializadores. Todo elo como continuación a unha liña de traballo conxunto que permitiu ao banco firmar máis de corenta convenios de colaboración financeira con axentes relevantes do primario como asociacións de gandeiros, explotacións animais, cooperativas, viticultores ou pequenos produtores.

Esta destacada presenza na feira consolida a aposta de ABANCA por un sector no que xa é líder en Galicia, tanto en número de oficinas como de xestores especializados. Esta posición destaca especialmente en localidades do interior de Galicia nas que ABANCA é a única entidade financeira. Unha fortaleza que afianza a ABANCA como primeira entidade en domiciliación de axudas PAC de Galicia, cun incremento de tres décimas sobre o pasado ano.

Unha senda de traballo conxunto

Hai xusto dous anos ABANCA comprometeuse coa viabilidade deste certame e de outros que se celebran no recinto feiral de Silleda e converteuse en patrocinador de referencia. A entidade financeira tamén forma parte do Padroado da Fundación Semana Verde de Galicia desde o ano 2000 e é o socio financeiro exclusivo desta entidade.

O recinto de Silleda acolleu nos últimos meses a celebración de certames especializados como a 21º edición de Salimat ABANCA – Salón de Alimentación do Atlántico, a 4º edición de Fecap ABANCA, a 4ª edición de Galiforest ABANCA e a 2ª edición de ABANCA Cimag-GandAgro.

Con esta 40º edición da Feira Internacional ABANCA-Semana Verde de Galicia, o evento alcanza un total de 637 expositores de 18 países. A superficie neta de expositores medra un 31% respecto ao pasado ano e ascende a 15.243 metros cadrados. Os profesionais do sector e visitantes poderán asistir ao certame ata o vindeiro 11 de xuño.

A XUNTA REALIZA UN CURSO DE INFORMACIÓN XUVENIL PARA PERSOAL DA ADMINISTRACIÓN QUE NON OBTIVO O CERTIFICADO DE PROFESIONALIDADE

A directora xeral de Xuventude, Participación e Voluntariado, Cecilia Vázquez, acudiu hoxe á inauguración da actividade formativa en Santiago

 

  • Desenvolverase desde hoxe e ata o 15 de setembro, terá unha duración de 150 horas e ofertáronse 30 prazas
  • O obxectivo é que os participantes aprendan a organizar e xestionar servizos de información que respondan aos intereses e necesidades das mozas e mozos

 

Santiago, 8 de xuño de 2017.- A directora xeral de Xuventude, Participación e Voluntariado, Cecilia Vázquez inaugurou hoxe en Santiago un curso de información xuvenil para o persoal que traballa neste ámbito na administración. A acción formativa, sostivo a titular autonómica, “dá resposta á demanda das persoas que non se puideron presentar aos procedemento de recoñecemento de competencias profesionais para adquirir o certificado de profesionalidade de información xuvenil que convocamos desde a Xunta nos últimos anos”.

 

Os cursos de información xuvenil deixaron de realizarse en 2012 despois de que Galicia fose a primeira comunidade en pór en marcha o recoñecemento de competencias profesionais para obter o certificado de información xuvenil. Activáronse tres edicións e ofertáronse o maior número de prazas de todo o Estado, nun procedemento que estivo aberto a todo o persoal que traballaba nos Espazos Xove, nos Servizos de xuventude e oficinas municipais de información xuvenil.

 

Agora, e tras as demandas do persoal destes centros que non se puideron presentar nas tres edicións, a Dirección Xeral organiza desde hoxe e ata o 15 de setembro un curso de 150 horas para o que se ofertaron 30 prazas. O obxectivo é que os participantes aprendan a organizar e xestionar servizos de información que respondan aos intereses e necesidades das mozas e mozos.

 

A aprendizaxe inclúe o desenvolvemento de accións de información, así como de orientación e dinamización, ademais da promoción de actividades socioeducativas no marco da educación non formal orientadas a facer efectiva a igualdade de oportunidades e o desenvolvemento integral da mocidade.

 

 

 

 

 

REY VARELA DESTACA O TRABALLO DOS PROFESIONAIS SANITARIOS E SOCIAIS COMO GARANTES DO BENESTAR DAS PERSOAS MAIORES

O conselleiro José Manuel Rey Varela participou esta tarde  na inauguración dos congresos das sociedades española e galega de Xerontoloxía e Xeriatría

  • O conselleiro de Política Social referiuse á aposta transversal da Xunta de Galicia pola prevención da dependencia e o envellecemento activo e saudable

 

A Coruña, 7 de xuño de 2017.- O conselleiro de Política Social, José Manuel Rey Varela, participou no acto inaugural dos congresos anuais das sociedades española e galega de Xeriatría e Xerontoloxía, que dende hoxe e ata o venres ten lugar nas instalacións do Pazo de Congresos e Exposicións da Coruña (Palexco) baixo a lenda “Envellecemento e cronicidade: unha oportunidade para a prevención e a innovación”. Profesionais sanitarios debaterán e reflexionarán durante este encontro sobre como previr situacións de perda de autonomía persoal ou palialas se estas xa existen, así como aproveitar as innovacións e novos sistemas de tecnoloxías para mellorar a atención ás persoas maiores.

 

Na súa intervención, Rey Varela recoñeceu o labor dos profesionais relacionados coa atención, tanto médica como social, das persoas de idade avanzada, posto que “son unha peza fundamental para garantir o benestar dos nosos maiores cos que traballan cada día e, polo tanto, son os que mellor coñecen as súas necesidades e ofrecen unha diagnose axustada da situación dos mesmos”.

 

O conselleiro indicou que os maiores son tamén un colectivo prioritario nas políticas sociais da Xunta, indicando que na actualidade un de cada catro galegos supera os 65 anos e que para o 2050 os indicadores arroxan que o 34% da poboación de Galicia superará esa idade. “Temos que estar preparados para afrontar esta realidade, xa que o reto demográfico ten moito que ver co fomento da natalidade e o coidado dos máis pequenos pero tamén co benestar das persoas maiores”, dixo.

 

Nesta liña, Rey Varela destacou que o Goberno galego está traballando de maneira transversal na promoción do envellecemento activo a través dunha estratexia que responde a catro eixos fundamentais: o emprego; a participación na sociedade; a vida independente, activa e segura; e a non discriminación e a igualdade de oportunidades. Así mesmo, referiuse á consolidación do sistema autonómico de atención á dependencia coa posta en marcha de novos servizos e programas e coa ampliación do número de beneficiarios, pasando dos 14.000 usuarios en 2009 aos máis de 48.000 actuais.

 

Por último, o titular de Política Social reiterou o firme compromiso da Xunta de Galicia en continuar avanzando na mellora da calidade de vida dos maiores, en especial daqueles que viven solos ou teñen a súa autonomía persoal limitada. Un obxectivo cuxo cumprimento pasa por “continuar afondando na coordinación sociosanitaria, xuntar forzas entre profesionais e administración e aproveitar as novas tecnoloxías para mellorar a atención”, concluíu.

 

A XUNTA DE GALICIA BENEFICIOU A MÁIS DE 2500 FAMILIAS GALEGAS A TRAVÉS DO BONO CONCILIA EN 2016

O conselleiro de Política Social, José Manuel Rey Varela, fixo esta tarde en sede parlamentaria balance desta iniciativa enmarcada no Programa de Apoio á Natalidade

 

  • Por provincias, 730 destas axudas outorgáronse na Coruña, 222 en Lugo, 251 en Ourense e 1396 en Pontevedra
  • A administración autonómica investiu 3,5 millóns de euros nesta achega económica durante dito período

 

Santiago, 7 de xuño de 2017.- O conselleiro de Política Social, José Manuel Rey Varela, avaliou hoxe en sede parlamentaria o funcionamento do Bono concilia en resposta a dúas preguntas orais, indicando que no ano 2016 outorgáronse 2599 axudas que contribúen ao pago dunha praza de escola infantil privada naqueles casos de solicitantes que non a consigan nunha escola ou recurso público para nenos de cero a tres anos.

 

Rey Varela deu a coñecer tamén os datos por provincias, destacando que 730 destas achegas económicas outorgáronse na Coruña, 222 en Lugo, 251 en Ourense e 1396 en Pontevedra. Cómpre destacar que no curso 2016-2017 o Bono concilia contou cun investimento total de 3,5 millóns de euros.

 

O obxectivo para o vindeiro curso escolar seguirá a ser que non haxa lista de agarda. Para conseguilo, o conselleiro lembrou que a administración autonómica ofertará un total de 22.439 prazas sostidas con fondos públicos en escolas infantís. “Esta cifra supón que, un ano máis, Galicia superará a ratio aconsellada pola Unión Europea (33%), situándose  nun 30% de cobertura, o que supón un punto máis que o ano pasado”, explicou Rey Varela. Delas, 9739 son prazas públicas en centros xestionados directamente pola Consellería de Política Social. A atención á infancia, o apoio ás familias e favorecer a conciliación, son liñas estratéxicas da Xunta e as escolas infantís son un dos piares fundamentais para facer máis doado que os pais e nais poidan compaxinar a vida laboral, familiar e persoal. “Por elo, cada ano incrementamos a cifra de prazas públicas á disposición dos nosos nenos e nenas e aqueles que non consigan praza, poderán contar co Bono concilia”, asegurou o titular autonómico.

 

Programa de Apoio á Natalidade

Durante a súa intervención, Rey Varela lembrou que o Bono concilia enmárcase no Programa de Apoio á Natalidade (PAN) que a Xunta de Galicia puxo en marcha a finais do ano 2015. Trátase dun conxunto de medidas, en moitos casos pioneiras, das que xa se benefician preto de 40.000 familias galegas a través da Tarxeta benvida, o Bono concilia ou o bono coidado. Tamén grazas ao PAN, se implantaron as 30 primeiras casas niño, situadas en municipios rurais de Galicia con menos de 5000 habitantes que non dispoñen doutro recurso de conciliación. “Trátase dun programa amplo, específico e responsable que busca apoiar á natalidade e á conciliación, por elo, neste ano incrementamos as partidas para este fin, pasando dos 15,4 millóns de euros de 2016 aos 24 millóns orzamentados para este ano”, concluíu o conselleiro.

 

 

REY VARELA INSISTE NA COLABORACIÓN ENTRE ADMINISTRACIÓNS PARA LOITAR CONTRA A POBREZA E A EXCLUSIÓN SOCIAL

O conselleiro de Política Social, José Manuel Rey Varela, compareceu hoxe en sede parlamentaria

  • Destacou a rebaixa substancial producida no último ano nos prazos de resolución da RISGA agás na cidade de Vigo, que acumula un retraso de cinco meses por mor da emisión do informe social municipal

 

Santiago, 7 de xuño de 2017.- O conselleiro de Política Social, José Manuel Rey Varela, compareceu esta tarde en sede parlamentaria para reclamar unha maior colaboración institucional na loita contra a pobreza e a exclusión social. O titular autonómico respondía así a unha pregunta respecto dos retrasos que rexistra o Concello de Vigo na tramitación da Renda de Integración Social de Galicia (RISGA) por mor da demora na emisión do informe social municipal.

 

Nesta liña, Rey Varela lembraba que a Lei de inclusión social establece un plazo máximo de resolución para os expedientes da RISGA de tres meses, dos que un mes correspóndelle ao concello para emitir o dito informe social e os dous restantes á Xefatura territorial correspondente unha vez conte coa documentación completa. No último ano, os tempos medios de resolución reducíronse en Galicia un 51,47% tal e como recoñece a propia Valedora do Pobo no seu informe de 2016, onde subliña que as queixas por RISGA deixaron de estar motivadas polas demoras na súa resolución. Deste xeito, os tempos medios roldan os dous meses, agás en Pontevedra, que está cifrado en a penas un mes, e Vigo, que tarda unha media de cinco meses.

 

Ao respecto destes datos, o titular de Política Social aseguraba que o esforzo realizado pola Xunta de Galicia para reforzar os Servizos Sociais comunitarios cun incremento da contía asignada aos concellos para o financiamento dos gastos de persoal cifrada en dez millóns de euros, un 22,4% máis que en 2015, “está dando os seus froitos xa que nos está permitindo dar unha mellor resposta a aqueles que peor o están pasando, a aqueles galegos e galegas en situación de vulnerabilidade”. E, ao fío, Rey Varela lamentou que pese ao incremento concedido á cidade de Vigo en 2016, que recibía a achega máis importante das concedidas na última convocatoria do Plan Concertado, o que lle permitiu a contratación de 11 novos técnicos de servizos sociais (9 traballadores sociais, 1 educador social e un psicólogo), non é quen de rebaixar os tempos medios de espera.

 

“O Concello de Vigo dispón, grazas ao Goberno da Xunta de Galicia, de todas as vimbias para loitar contra a exclusión social; para conseguir o benestar daquelas persoas que peor o están a pasar e máis precisan da nosa axuda – sinalaba o conselleiro de Política Social – Tan só teñen que traballar da man con outras administracións para que todos xuntos consigamos unha sociedade máis xusta, igualitaria e con menos desigualdade social”.

 

V Mercado Saudable do Porriño

O PORRIÑO CELEBRA ESTE DOMINGO, DÍA 11 DE XUÑO, A QUINTA EDICIÓN DO SEU MERCADO SAUDABLE E QUE TEN COMA NOVIDADE A PRIMEIRA FEIRA DA MORINGA QUE SE CELEBRA EN GALICIA

O Porriño será o escenario, por quinto ano consecutivo, dunha nova edición do Mercado Saudable, que este mércores foi presentado polo concelleiro de Comercio, Marcelino Coto, a presidenta da Asociación de Veciños de San Benito e San Sebastián, ‘Mensa’ Rodríguez, o membro desta asociación, Demetrio Calvo, e organizador, Carlos Rodríguez.

O mercado, que empezará o domingo que ven ás 11 a mañá na rúa Manuel Rodríguez, moi preto da Capela de San Sebastián, estará aberto ao público ata as 9 da noite e no mesmo os asistentes poderán achegarse a “todo canto está relacionado coa alimentación saudable”, como subliñou Marcelino Coto, dende talleres para rapaces, como o de cabazas –que logo pódense empregar no Samaín, repostería, cervexa ecolóxica, gastronomía do mar, “con polbo, ameixas, mexillóns, ou longueiróns, cociñados con auga mariña”, eco-tendas, comercio xusto, artesanía, cosmética natural, lamberetadas ou produtos da horta, ademais de actividades saudábeis, coma unha andaina, que comezará ás 11 e media da mañá.

Dentro das propostas hai unha que, coma salientou Carlos Rodríguez, ten especial importancia: o primeiro mercado da Moringa que se celebra en Galicia. A Moringa é unha árbore que ten numerosos nutrientes e do que se aproveita dende as follas, ata a flor, pasando polos froitos, dado que ten un altísimo contido en calcio, ferro ou fósforo.

Tomando coma base a Moringa, haberá unha degustación de cervexa, pan, queixo ou batidos, que teñen o mesmo coma base, membros da Asociación de Veciños elaborarán unha torta de Moringa, porase á venda plantas e sementes da mesma e unha bióloga e especialista e nutrición falará, de 12:15 a 13:15 horas, das vantaxes e propiedades desta árbore que “a OMS e a FAO recomendan cultivar en países en desenrolo”.

Destino Ibiza announces Solomun + Live full line up

After a long wait the big news of who will be a joining Ibiza tastemaker Solomun for his famous + LIVE parties at Destino Ibiza can now be revealed…

Destino is of course a tropical open air paradise with palm trees, a pool, sun loungers and of course a killer sound system. It is a blissful location to lose yourself in music, and this mini-residency all kicks off on July 6th with Johannes Brecht.

Brecht is a classically trained and professional musician who roughs up the electronic music scene. Of course, he releases on Diynamic, but also on Mule Music and Poker Flat and never fails to conjure up fresh soundscapes.

August 10th is then the date when Red Axes join the fun. This Israeli duo mix up guitars and synths into melodically moving tracks that take them all over the world. They have been doing so since 2010 on Hivern Discs, ESP Institute and Permanent Vacation and bring a fresh perspective to the table.

August 17th then finds Frank Widermann from popular +LIVE favourites AME come back to do his deep and medically magical thing. The much loved German is a regular guest here and always cooks up a perfect musical storm, so this year will be no different.

Last of all, coinciding with Destino Ibiza Closing Party, deep and moody techno specialist Recondite returned with an array of machines to create his sensual and absorbing sounds. Releasing on Acid Test and Innervisions, Life And Death and Ghostly, his sound is fully formed and sure to impress again in 2017.

July 6th – Johannes Brecht
August 10th – Red Axes
August 17th – AME Live
October 5th – DESTINO CLOSING PARTY – Recondite

Más información sobre DESTINO:
http://destinoibiza.com
http://www.facebook.com/destinoibiza
https://twitter.com/destinoibiza
https://soundcloud.com/destinoibiza