Archive | junio 19, 2017

A ASEMBLEA XERAL DO CONSORCIO APROBA UNS ORZAMENTOS PARA O ANO 2017 DE 69,3 MILLÓNS DE EUROS

  • Ademais da aprobación das grandes contas, que se incrementan un 2,30% con respecto ao exercicio anterior, os asistentes tamén abordaron as liñas de acción para este ano

Santiago de Compostela, 19 de xuño de 2017.- O conselleiro de Política Social, José Manuel Rey Varela, presidiu esta mañá a Asemblea Xeral anual do Consorcio Galego de Servizos de Igualdade e Benestar. Unha xunta que se celebrou na Escola Galega de Administración Pública (EGAP), e na que se aprobaron as contas para o exercicio de 2017, que ascenden a 69.372.846,99 euros, o que supón un incremento do 2,30% con respecto ao ano anterior. Así mesmo, a cita serviu para abordar as liñas de acción para este ano ao tempo que se fixo balance do ano 2016.

 

Nesta liña, e respecto do acontecido en 2016, se daba conta do Acordo Marco asinado no mes de maio entre a Consellería de Política Social e a Federación de Municipios e Provincias (FEGAMP) en relación ao Consorcio, que establece un novo modelo de co-financiamento entre a Xunta e os concellos para a xestión de escolas infantís e centros de día, que garante a sostenibilidade económica e proporciona certidume e seguridade xurídica ás entidades adscritas ao Consorcio. Ese acordo, que foi aprobado por unanimidade na FEGAMP, inclúe ademais bonificacións e fraccionamentos nas liquidacións de exercicios anteriores dos concellos. O modelo de co-financiamento fixado no Acordo Marco foi recentemente introducido na Lei de Medidas que complementa á Lei de Orzamentos da Comunidade Autónoma para 2017, como desenvolvemento legal necesario para poder facelo efectivo.

 

Outra das claves da xestión do Consorcio durante o ano pasado foi o acordo cos principais sindicatos (UXT, CIG e CCOO) para a integración dos traballadores do Consorcio no Convenio Colectivo Único do Persoal Laboral da administración galega. Cando ese camiño xa iniciado culmine, a nova situación achegará estabilidade aos propios profesionais do Consorcio, garantindo ao mesmo tempo unha prestación dun servizo de calidade aos usuarios nos centros dependentes do ente.

 

No ano 2016, o Consorcio seguiu mantendo e ampliando a súa rede, tanto de escolas infantís para nenos de 0 a 3 anos, como de atención ás persoas maiores. En canto á primeira parte, entraron en funcionamento 6 novas escolas (o que supuxo 348 novas prazas): A Coruña-A Sardiñeira, por mor do convenio de colaboración coa Fundación Amancio Ortega (FAO), e Ames-Bertamiráns, Fene-Barallobre, Oza-Cesuras, Marín-Seixo e Tomiño-Goián, de construción propia.

 

Ademais, comezaron e remataron as obras de reforma integral da escola infantil de O Grove-Rons, cun investimento total de máis de 500.000 euros, reabríronse 3 escolas unitarias (60 prazas) e se realizaron obras de mantemento, reforma, mellora ou investimento en equipamento en 78 das 138 escolas da rede “A Galiña Azul” dependentes do Consorcio,  cun desembolso superior aos 1,5 millóns de euros. O ano pasado tamén se licitaron as obras de construción de dúas novas escolas, en Mos e A Estrada -xa adxudicadas neste 2017-, e remataron as obras de construción da escola de Arteixo-Río Tambre (construída pola FAO) e a de Burela-Os Castros, que está só pendente de pequenos remates finais. As dúas entrarán en funcionamento cunha oferta de 123 prazas no próximo mes de setembro, coincidindo co comezo do curso escolar nos centros de nova creación.

 

No eido dos maiores, no ano 2016, o Consorcio rematou as obras de construción dunha mini-residencia en Vilardevós, na que investiu case 1,5 millóns de euros e entraron en funcionamento os centros de día de Curtis, A Pobra do Caramiñal, Redondela e Maceda o que se traduce nun aumento da oferta de 180 prazas. A reforma dos centros de día de Ribadeo e o fogar residencial de Melide, así como o cambio de ubicación do centro de día de Chantada se traduciron tamén nun incremento da oferta en 73 prazas. Ao longo do ano pasado se realizaron obras de mantemento, reforma, mellora ou dotacións de equipamento en 33 dos 68 centros de maiores dependentes do Consorcio por valor de máis de 780.000 euros.      

 

En definitiva, o Consorcio pechou o ano 2016 xestionando un total de 7.452 prazas para nenos de 0 a 3 anos en 138 escolas infantís distribuídas por toda Galicia, 57 centros de día cunha capacidade máxima de 2.349 prazas, 6 fogares residenciais e 1 residencia, cun máximo de 230 prazas e 6 vivendas comunitarias, con 108.

 

A todo iso hai que sumarlle o programa “Xantar na Casa” de atención alimentaria a domicilio para persoas con dificultades para xestionar por si mesmos a súa manutención, no que ao remate de 2016 xa participaban 163 concellos -tras a adscrición no curso pasado dos municipios de Camariñas, Ribeira de Piquín e Silleda- e que contaba cunha media mensual de usuarios de 1260 (45 máis que no 2015). O Consorcio e os concellos destinaron a ese programa máis de 1,9 millóns de euros en 2016.

 

En materia de igualdade, o Consorcio continúa xestionando en colaboración con Concello de Vigo o Centro de Emerxencias para Mulleres Vítimas da Violencia de Xénero, no que ingresaron o ano pasado un total de 97 mulleres e menores e no que residiron 107 persoas durante 2016.   

 

Na loita contra a pobreza e a exclusión social, o Consorcio conta con 18 equipos comarcais de Inclusión -máis o módulo “Nelson Mandela” na prisión de Teixeiro-, nos que traballan (dentro da Estratexia de Inclusión Social de Galicia 2014-2020) 59 técnicos, que atenderon en 2016 a 8724 persoas, realizando accións formativas das que se beneficiaron 1453 persoas e acadando 1365 insercións laborais.

 

E durante 2016 continuou igualmente o traballo dos centros “Quérote Máis” para o desenvolvemento integral dos mozos, cun saldo no pasado ano de 6894 usuarios asesorados e 19.485 participantes en accións formativas.

 

A XUNTA MANTÉN A SÚA OFERTA DE DIÁLOGO E NEGOCIACIÓN SOBRE UN PLAN DE TRANSPORTE QUE TEN POR OBXECTIVO GARANTIR OS SERVIZOS AOS CIDADÁNS E OS EMPREGOS NO SECTOR

  • O Diario Oficial de Galicia fai pública hoxe a orde pola que se establecen os servizos mínimos para as xornadas de folga convocadas e que se establecen na práctica totalidade para as rutas do transporte escolar

 

Santiago, 19 de xuño de 2017.-  A Xunta mantén a súa oferta de diálogo e negociación sobre a primeira fase do Plan de transporte público de Galicia, unha iniciativa que ten como único obxectivo garantir os servizos aos cidadáns e os postos de traballo no sector. Este plan é a resposta do Goberno galego á decisión de parte das empresas de transporte a non seguir prestando máis de 500 liñas de autobús a partir do vindeiro mes de agosto.

 

A Consellería de Infraestruturas e Vivenda mantén as portas abertas e reitera a súa plena disposición a revisar coas centrais sindicais os aspectos laborais dos 42 contratos do Plan de transporte público, co obxectivo de acadar solucións de consenso que ofrezan as garantías que demandan os representantes dos traballadores.

 

Así mesmo, o Goberno galego manifesta tamén, novamente, que está aberto a analizar as propostas que desexen presentar as empresas representadas polas diferentes federacións de transportistas de Galicia.

 

O Plan elaborado polo Goberno galego supón unha reordenación do actual sistema de concesións de transporte naquelas zonas afectadas polas renuncias empresariais. As liñas de transporte agrúpanse nun total de 42 contratos comarcais economicamente viables que terán vixencia ata 2019.

 

A principal novidade deste sistema radica na integración das liñas de transporte escolar no marco xurídico do transporte regular, unha modalidade a efectos únicos de xestión, que blindando e reforzando a atención prioritaria das necesidades dos alumnos, permite multiplicar as  posibilidades de mobilidade da poboación rural.

 

Entre as grandes vantaxes deste plan está o feito de que todas as liñas de transporte escolar que se integren no transporte regular en Galicia contarán cun monitor acompañante, situándose por riba das exixencias legais.

 

Ademais, a posta en marcha da primeira fase do novo Plan de transporte público de Galicia permitirá mellorar o funcionamento deste servizo en preto de 200 concellos galegos. Neles máis que duplicarase o número de paradas de autobús xeral e 1,7 millóns de persoas terán unha parada a menos de 500 metros da súa casa.

 

Un sistema testado con éxito en varias autonomías

A integración do transporte escolar no transporte regular funciona desde hai anos con normalidade noutras comunidades de España, como Castela e León, Asturias, País Vasco e Navarra.

 

Esta integración constitúe a tendencia xeral nos plans de futuro do resto de autonomías, na procura dunha optimización e racionalización da oferta de servizos de transporte público, un obxectivo especialmente xustificado no caso de Galicia, onde a atención das necesidades de mobilidade da poboación está marcada pola alta dispersión da poboación e onde se estima que as rutas de transporte escolar representan o 40% do total do Estado.

 

Outra das características do Plan é o seu deseño orientado á realidade do tecido empresarial galego do sector do transporte, xa que os contratos requiren dunha media de 13 autobuses para poder realizar os servizos que recollen, ao tempo que se abre a posibilidade de que as empresas concurran aos mesmos a través dunha UTE.

 

O Diario Oficial de Galicia fai pública hoxe a orde pola que se establecen os servizos mínimos para as xornadas de folga convocadas e que se establecen nun 40% para os servizos xerais e do 100% para o transporte escolar.

 

En todo caso, o Goberno galego solicita que as centrais sindicais reconsideren a convocatoria de folga prevista para mañá e o mércores, xa que ao coincidir coa última semana do curso escolar poderá afectar aos alumnos que tiñan programadas excusións, así como dificultar os desprazamentos dos traballadores.

 

 

 

Afundación e o Centro Dramático Galego presentan ‘Martes de Carnaval’ de Valle-Inclán en Vigo

Afundación presenta a obra Martes de Carnaval dentro da súa programación cultural. Trátase dunha produción teatral do Centro Dramático Galego escrita por Ramón María del Valle-Inclán que se interpretará por primeira vez en lingua galega baixo a dirección de Marta Pazos. «As galas do defunto» e «A filla do capitán» son as dúas pezas que conforman a obra que se poderá ver o vindeiro xoves 22 de xuño no Teatro Afundación de Vigo (Policarpo Sanz, 13) a partir das 20.30 h

“CAFÉ LEHMITZ”, UNA DE LAS OBRAS MÁS ICÓNICAS DE LA HISTORIA DE LA FOTOGRAFÍA, POR FIN EN ESPAÑOL

La Fábrica edita por primera vez en España la obra,más representativa del fotógrafo sueco Anders Petersen, y uno de los trabajos más influyentes de la historia de la fotografía contemporánea

Entre 1968 y 1970 Petersen viajó intermitentemente de Suecia a Hamburgo para retratar a los clientes habituales del Lehmitz

Prostitutas, proxenetas, travestis o indigentes componen un paisaje social en el que, lejos de buscar la compasión o la repulsa, Petersen construye un retrato que recrea tanto el calor humano y la camaradería como la sordidez y la penuria que se respiraba en el café en aquellos años

Acompaña a las fotografías un texto del periodista Roger Anderson, que viajó con Petersen al Lehmitz en 1978, año en el que las imágenes se publicaron por primera vez

PHotoESPAÑA 2017 acoge en CentroCentro Cibeles, dentro de su Sección Oficial, una completa exposición sobre este trabajo con más de 300 imágenes, la mayoría inéditas, entre las que se incluyen los descartes y las hojas de contactos del fotógrafo sueco