O DOG SOMETE A INFORMACIÓN PÚBLICA O ITINERARIO PEONIL NA MARXE DEREITA DA PO-250 AO SEU PASO POLO NÚCLEO URBANO DE REDONDELA

  • A Xunta proxecta completar a senda peonil executada hai dous anos cunha nova pasarela, pegada a ponte existente, na que investirá máis de 133.000 euros  
  • A Axencia Galega de Infraestruturas (AXI) ampliou en 2015 a ponte de San Xulián

 

Vigo, 11 de xullo de 2017.- O delegado territorial da Xunta en Vigo, Ignacio López-Chaves, acudiu hoxe a Redondela para ver o estado no que se atopa a ponte de San Xulián, na que o Goberno galego proxecta completar a ampliación da estrutura existente sobre o río Alvedosa, executada hai dos anos para dotar a estrada PO-250 de dous carrís e beirarrúa pola marxe esquerda, cunha nova senda peonil pola marxe dereita.

 

A construción deste itinerario, que transcorre en pleno núcleo urbano da localidade pontevedresa, sometíase o pasado venres ao trámite de información pública. Na seguinte ligazón ao DOG pódese ampliar a información relativa a este anuncio: https://goo.gl/s2JfvS

 

Tal e como informou o delegado da Xunta, quen estivo acompañado polo alcalde de Redondela, Javier Bas, o obxectivo deste proxecto é a execución dunha senda na marxe dereita da estrada PO-250, á altura do p.q. 0+160, que permita a circulación de peóns pola zona e o cruzamento do río Alvedosa con garantías de seguridade, comodidade e accesibilidade, ao atoparse este treito da estrada ao seu paso polo núcleo urbano de Redondela, coa conseguinte continua interferencia entre vehículos e peóns.

 

A obra, cofinanciada nun 80% polo Programa Operativo FEDER Galicia 2014-2020, conta cun presuposto de 133.185,80 euros e contempla a execución dunha pasarela metálica pegada a ponte existente que se completará co acondicionamento da contorna. Cómpre destacar que na zona da actuación existe, como elemento patrimonial de interese, o cruceiro do Peto de Ánimas de Pasais. A solución proposta no proxecto non afecta o dito cruceiro, non obstante este porase en valor mediante a creación dunha praza ao seu redor que promova e fomente as visitas, así como a revitalización da contorna e permita unha maior facilidade de mantemento.

 

O proxecto de construción estará exposto a información pública durante un período de 30 días hábiles, para que as persoas que o consideren oportuno poidan formular por escrito, ante a Axencia Galega de Infraestruturas (AXI), as observacións que crean convenientes relativas á concepción global do trazado deseñado. Tamén se somete a información pública a relación dos bens afectados pola realización da obra correspondente, para que os titulares das fincas presente cantas alegacións ou rectificacións consideren.

A Xunta está a executar este tipo de actuacións coa fin de promover unha mobilidade máis sustentable, favorecendo modos de desprazamento menos contaminantes e alternativos á utilización do vehículo particular, porque estas sendas permitirán que os usuarios poidan facer desprazamentos cotiáns andando ou en bici dun xeito seguro.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: