O 112-GALICIA REXISTROU ESTA MAÑÁ 268 INCIDENCIAS POR MOR DO TEMPORAL QUE AFECTA Á COMUNIDADE

O vicepresidente da Xunta e o conselleiro de MATI efectuaron dende o Centro de Atención ás Emerxencias un seguimento do dispositivo posto en marcha
-Tres estradas da rede autonómica atópanse cortadas por asolagamento da calzada e hai problemas por presenza da auga e desprendementos noutras vías
-A Xunta recorda a necesidade de extremar as precaucións ante a chuvia e os fortes ventos do temporal que afecta á comunidade
-Activouse a plan especial de Protección Civil ante o risco de inundacións.

Santiago, 19 de xaneiro de 2013.- O vicepresidente da Xunta, Alfonso Rueda, e o conselleiro de Medio Ambiente, Territorio e Infraestruturas, Agustín Hernández, desprazáronse esta mañá ao Centro de Atención ás Emerxencias 112-Galicia para facer in situ un seguimento do dispositivo posto en marcha para facer fronte ao temporal que está a azotar á Comunidade, e que no día de hoxe ten provocado que se rexistrasen 268 incidencias no servizo do 112 ao longo da mañá.

O Centro de Atención ás Emerxencias 112-Galicia rexistrou entre as 7.30 horas e as 13 horas de hoxe un total de 268 incidencias relacionadas co temporal de chuvia e vento que afecta a Galicia e polo que a Xunta recomenda á poboación extremar as medidas de precaución.

Por provincias, a máis afectada estaba a ser A Coruña, con 168 incidencias, seguidas polas 59 que houbo en Pontevedra, mentres que en Lugo e Ourense rexistráronse 21 e 20, respectivamente. As incidencias máis destacables tiveron que ver con caídas de chapas e restos de tellado no náutico de Cangas, a caída dun tellado en Vigo, a caída dunha farola en Lalín, a caída dunha árbore sobre un vehículo en Gondomar e o anegamento dun edificio en Culleredo.

Estradas
A Consellería de Medio Ambiente, Territorio e Infraestruturas informou que permanecen cortadas totalmente ao tráfico por asolagamento da calzada tres estradas: LU-651 (Quiroga – Seoane do Courel) PQ 30+000, OU-540 (Ourense – fronteira portuguesa (A Madalena)) PQ 46+500 e o enlace da OU-504 (Ribadavia – Cea) coa N-525 (enlace Compostela, dirección Cea, PK 26+400 MD da OU-504 ).

Existe trafico alternativo (soamente un carril aberto) nas seguintes estradas: OU-540 (Ourense – fronteira portuguesa (A Madalena)) PQ 46+500 , OU-536 (Ourense – A Pobra de Trives (OU-636)) PQ 26+300 ME, OU-411 (Bande (OU-540) – O Condado (OU-801)) PQ 35+000 MD e PO-230 (Campolameiro – Vichocuntín) PQ 6+000.

Recoméndase circulación con precaución por presenza de auga nas seguintes estradas: LU-120 (Vilalba (N-634) – Paraxes (N-640)) PQ 15+850, LU-750 (Meira (N-640) – O Cádavo (LU-530)) PQ 7+000, LU 161 (Landrove (LU-540) – Ferreira de V. (LU-160)) PQ 0+200 e LU-861 (Vilalba (N-634) – Limite de provincia) PQ 16 a 17, OU-211 (Valdepereira – Gomariz (OU-504)) PQ 1+680 e OU-113 (Verín (N-525) – Vilar de Barrio) PQ 20+000 MD e PQ 10+000 MD.

Finalmente, circulación con precaución por desprendementos nas seguintes estradas: AC-305 (Padrón (VG-1.1) – Ribeira (AC-550)) PQ 11+500 ME, LU-722 (Becerreá – Ponte do río Rao) PQ 12 a 13, OU-150 (Valdorregueiro (N-525) – Gustei (N-525)) PQ 04+936 ME, OU-622 (O Barco de Valdeorras – lim. prov) PQ 06+000 MD, OU-112 (Laza (OU-113) – Cerdedelo) PQ 08+000 MD e OU-540 (Ourense – fronteira portuguesa (A Madalena)) PQ 42+500 MD e PO-400 (Salvaterra-Filgueira) PQ-13+000 M.E.

Durante toda a xornada os equipos da Xunta de Galicia estiveron traballando sen descanso con todos os medios e equipos dispoñibles para poder resolver as incidencias e facilitar o tránsito pola rede de titularidade autonómica, estando presentes en todo momento nas zonas máis conflitivas.

Extremar as precaucións
A Xunta de Galicia recorda polo tanto a necesidade de extremar as precaucións e seguir as medidas de protección pertinentes. Así mesmo, aconséllase consultar a páxina web do Centro de Atención ás Emerxencias- 112 Galicia (www.112galicia.org), que conta con información meteorolóxica, recomendacións e con enlaces de interese.

Ademais, a Dirección Xeral de Emerxencias e Interior activou o Plan especial de Protección Civil ante o risco de inundacións de nivel 1, debido ás análises dos parámetros meteorolóxicos e hidrolóxicos das últimas horas, xa que segundo informou Aemet, hai un aumento xeneralizado dos caudais dos ríos con previsións en aumento, e desbordamentos puntuais en varios ríos da nosa comunidade

Nese sentido, Augas de Galicia pola súa banda informou do incremento xeneralizado do caudal dos ríos en toda a vacía hidrográfica Galicia costa, unha situación que podería provocar posibles desbordamentos nas concas de varios ríos galegos. A Xunta vai levar a cabo análises e seguimento das previsións que irá avanzando o sistema de vixiancia, así coma control da evolución dos niveis e caudais dos ríos en tempo real a través das estacións de aforamento, así como a xestión dos encoros.

Situación dos encoros
En cuanto á situación actual, segundo o último parte de Augas de Galicia, a situación foise normalizando, en especial canto máis ao sur. Así, :

Exemplos:
o Caldas. Alivia por coronación, pero continúa descendendo o seu nivel. Está ao 77,4 %, cun caudal de saída de 85 m3/s.
o Eiras. Alivia por coronación, pero tamén está descendendo a ocupación. O seu caudal de saída é de 92 m3/s.
o Cecebre. Alivia por coronación, co seu nivel estabilizado. O caudal de saída é de 40 m3/s.
o Forcadas. Alivia por coronación, co seu nivel estabilizado. O caudal de saída é de 22 m3/s.
o Portodemouros. Non alivia. Están entrando case 360 m3/s e saen 120 m3/s. O seu nivel sube, pero descendeu o ritmo de suba, polo que non se espera que alivie.

Respecto aos ríos, en case toda Galicia descenderon os caudais despois dos picos acadados na tarde – noite de onte. As excepcións son no norte (Mera, Landro, Ouro) e no Tambre, onde están volvendo a subir.

119 países han participado en el Concurso Internacional Museo de la Palabra, con un total de 22.572 microrrelatos

•  El libro Guinness de los Records está estudiando la inclusión en su libro a la Fundación César Egido Serrano, creadora del Concurso Internacional de microrrelatos Museo de la Palabra.

A XUNTA TRANSMÍTELLES AOS ALCALDES QUE POR MEDIO DA ARBITRAXE ESTÁ A SOLUCIONAR TODOS OS CASOS ACEPTADOS POLO BANCO

O conselleiro de Economía e Industria mantivo un encontro co presidente da Fegamp e alcaldes para informalos sobre o traballo da Xunta na problemática das preferentes

O Goberno galego insta á entidade a reforzar o proceso de revisión dos casos non concluíntes co obxectivo de incrementar o ritmo de laudos

Galicia é pioneira na posta en marcha desta vía que ten permitido, por medio do IGC,  que 12.000 aforradores galegos estean a recuperar os seus cartos.

MEDIO CENTENAR DE PROFESIONAIS FÓRMANSE NO INEGA EN CERTIFICACIÓN ENERXÉTICA DE EDIFICIOS

A Consellería de Economía desenvolveu dous cursos nos que se abordou o emprego das ferramentas informáticas de cualificación enerxética dos edificios xa existentes

Desde o ano 2009, téñense instruído máis de 3.000 técnicos especialistas en enerxética edificatoria, incentivándose a promoción de 24 edificios de alta eficiencia enerxética

As actuacións desenvolvidas neste sector permiten obter, nestes momentos, un aforro económico anual superior aos 10 millóns de euros, evitando a emisión a atmosfera de preto de 41.000 toneladas CO2 por exercicio.