Noticias Ayuntamiento de Vigo – 29-07-11

Caballero compromete o apoio do Concello ao proxecto investigador do CSIC na ETEA Tras unha reunión co seu presidente, Rafael Rodrigo, o alcalde de Vigo garantiu o respaldo do Concello ao proxecto do Centro Superior de Investigacións Científicas (CSIC) para a ETEA, onde planea erixir un gran centro de formación e investigación chamado a converterse en «referencia internacional». Abel Caballero confiou en contar co respaldo da Xunta de Galicia a un proxecto «estratéxico para esta cidade», con 35 millóns de orzamento, que podería concretarse no mes de setembro.

 

«A xerencia da Fundación ProVigo terá custe cero para esta cidade» O alcalde de Vigo, Abel Caballero, anunciou hoxe venres novas medidas de austeridade, tras a reducción de dedicacións no goberno local ou a eliminación dos caterings. O primeiro edil avanzou que convocará a próxima semana a Julio Fernández Gayoso, Fernández Alvariño e García Costas, membros do Padroado de ProVigo, para valorar nomes para dirixir a xerencia da Fundación.

 

O Festival Son de Vigo encherá a Praza da Constitución e o Auditorio de Castrelos de artistas vigueses O rexedor, Abel Caballero, compareceu hoxe venres en rolda de prensa rodeado dalgúns dos artistas vigueses que conforman o cartel de Son de Vigo. Trátase dunha semana de concertos que se desenvolverán a semana que vén na Praza da Constitución e no Auditorio de Castrelos, actuacións que serán presentadas, respectivamente, por Tony Lomba e Manuel Manquiña.

 

Caballero louba o traballo do corpo de bombeiros de Vigo na recepción de 17 novos efectivos O alcalde de Vigo felicitou hoxe venres ao corpo de bomdeiros polo seu traballo durante a recepción dos 17 novos axentes que se acaban de incorporar ao Concello. Abel Caballero déulles a benvida e loubou a preparación e formación destes novos efectivos.

 

O alcalde deu conta dos padróns municipais do IBI e do IAE, cun «lixerísimo aumento» na recadación prevista A Xunta de Goberno Local deu este venres luz verde ao padrón do Imposto de Bens Inmobles (IBI) e o Imposto de Actividades Económicas (IAE) correspondente ao 2011, que rexistran un «lixerísimo aumento» nos ingresos previstos con respecto ao pasado ano, acadando os 64,6 millóns. O IBI suma inscripcións e importe recibido mentres que cae o IAE en ambos parámetros.

 

Apertura do prazo de inscripción para as Escolas Municipais de Música e Artes Escénicas

 

Pechada ao tráfico a rúa Carballo a altura do nº 2

 

Clausura temporal da Pinacoteca municipal por traballos de mantemento