Noticias Ayuntamiento de Vigo 28-11-11

O Pleno aproba destinar 1,9 millóns de euros ao pago da sentenza urbanística de Nebrija O goberno local sacou este luns adiante a modificación de crédito para adicar 1,9 millóns de euros -orzamentados este ano polo Concello para o primeiro pago das expropiacións da depuradora- á abonar a sentenza urbanística de Nebrija, ámbito ilegalizado polos xulgados. Os socialistas aceptaron a enmenda nacionalista de desvincular esta decisión á prórroga de Aqualia e ambos grupos aprobaron o acordo coa oposición do Partido Popular.

 

PSOE e BNG instan á Xunta a rectificar os recortes de finanzamento no Plan Concertado Os votos de socialistas e nacionalistas deron luz verde a sendas mocións que coincidiron hoxe luns ao reclamarlle á Xunta de Galicia a rectificar, a través das medidas urxentes necesarias, os recortes implantados polo Goberno galego no Plan concertado e garantir, a lo menos, a cobertura orzamentaria de 2009.

 

A Corporación acorda por unanimidade elaborar un plan director para as zonas verdes da cidade Os tres grupos políticos aprobaron no Pleno deste luns a moción popular de elaborar un plan director para a conservación dos parques, espazos libres e zonas verdes da cidade. O Pleno tamén acordou habilitar un sistema identificador dos vehículos de asistencia a domicilio e dos profesionais sanitarios e aprobar o regulamento de Participación Cidadá e medidas de apoio ás asociacións veciñais.

 

Franz Liszt Concerto de Pablo de Naverán e Alexander Kandelaki na homenaxe do bicentenario Franz Liszt (1811-1886) Os músicos Pablo de Naverán (cello) e Alexander Kandelaki (piano) renderán homenaxe a Franz Liszt no cumprimento do bicentenario do seu nacemento. O concerto, que terá lugar no Auditorio Municipal, enmárcase nun ciclo organizado pola Obra Social de Caja España-Caja Duero, en colaboración coa Concellería de Cultura e Festas de Vigo, e que se compón dun total de trece concertos por toda España.

 

Rosa Cobo Presentación do libro «Hacia una nueva política sexual: las mujeres ante la reacción patriarcal de Rosa Cobo O martes, 29 de novembro ás 19.00 horas, o Centro de Documentación e Recursos Feministas acolle a presentación do libro «Hacia una nueva política sexual: las mujeres ante la reacción patriarcal» por parte da autora do libro, Rosa Cobo e da escritora Mª Xosé Queizán

 

Pechada ao tráfico a rúa CATABOI Ponse en coñecemento do público en xeral que por mor das obras de canalización de gas, a realizar pola empresa GAS GALICIA, estará pechada ao tráfico a rúa CATABOI, con acceso exclusivo para garaxes, dende o martes 29 de novembro de 2011 ás 10:00 horas e por un período aproximado dunha semana.