Os nenos da varíola. Unha novela sobre unha das maiores xestas médicas

En 1803 saíron do porto da Coruña 22 nenos orfos para levar a América, no seu corpo, a vacina da varíola. Unha das maiores xestas médicas realizadas na historia da humanidadeunnamed

Dende hoxe nas librarías OS NENOS DA VARÍOLA (Editorial Galaxia), a nova novela da escritora María Solar. Nesta novela, a máis ambiciosa da autora, recupera un dos episodios máis incribles e descoñecidos da medicina mundial que ten como protagonistas a moitos galegos. En 1803 os nenos do hospicio da Coruña, dependente do Hospital da Caridade, sobreviven a duras penas. Nin eles, nin a súa reitora, Isabel Zendal, poden imaxinar de que maneira lles cambiará a vida a chegada do doutor Balmis e a súa expedición médica. O propósito era levar a vacina da varíola ao Novo Mundo. 22 orfos procedentes de Madrid, A Coruña e Santiago conformarán unha cadea humana “brazo a brazo” para levar a vacina aos territorio de ultramar.

Unha novela sobre a nosa historia, baseada en feitos reais, que recupera un dos episodios máis descoñecidos e fascinantes da medicina mundial. Un libro de acción trepidante que non deixa indiferente, que está meticulosamente documentado e que combina personaxes reais con outros de ficción sobre os que recae boa parte da carga dramática.
Con motivo do lanzamento do libro realizaranse na Coruña e Santiago dúas homenaxes. En Compostela o Hostal dos Reis Católicos, antigo Hospital Real, colocará unha placa nunha parede do antigo hospicio que se atopaba no seu interior, homenaxeando aos 5 nenos expósitos que formaron parte da expedición. Na Coruña, o concello, participará tamén en actos de homenaxe aos nenos, a reitora, Isabel Zendal, e demais membros da expedición.
En 1980 a OMS declarou o planeta Terra zona libre de varíola. Era a primeira vez, e de momento a única, que unha enfermidade se erradicaba grazas a unha vacina. A ninguén escapa a impostancia vital da Real Expedición da Vacina para a súa erradicación.
A OMS recoñece tamén a Isabel Zendal, reitora da casa de expósitos da Coruña (nada en Ordes) como a primeira enfermeira do mundo en misión internacional, e o goberno mexicano outorga cada ano o Premio Nacional de Enfermaría que leva o seu nome.
María Solar naceu e vive en Santiago de Compostela. É presentadora do programa A revista fin de semana da TVG. Licenciouse en Xornalismo e Bioloxía ademáis de ser diplomada en Maxisterio e ter o título de Especialista en Información Ecolóxica e Medioambiental. A súa actividade profesional sempre se centrou no xornalismo e ten unha longa traxectoria en radio e televisión. Na Radio Galega presentou e dirixiu durante oito anos o magacine As tardes da Galega e na TVG presentou diversos programas de todos os xéneros como o cultural Zigzag Diario, Ciencianosa, En pé de festa, Arrampla con todo ou Os directos da Galega, entre outros. Ademais foi actriz de dobraxe.

Como autora dirixiuse a todos os públicos. En 2014 con O meu pesadelo favorito (Galaxia) conseguiu o premio Lazarillo, o premio ao mellor libro infantil da Gala do Libro Galego, e entrou na prestixiosa lista White Ravens dos mellores libros infantís do mundo, distinción que repetiu en 2016 con Teño uns pés perfectos. Gañou o Premio Frei Martin Sarmiento en 2013 con Vou ter un irmán! e en 2014 con A verdadeira historia da mosca da tele, ambas publicadas en Galaxia. Os seus libros foton traducidos a varios idiomas .

Con Os nenos da varíola, María Solar recupera un dos episodios máis incribles e descoñecidos da medicina mundial, que ademais é parte da nosa propia historia.
Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: