REY VARELA DESTACA A IMPORTANCIA DA FORMACIÓN PARA AVANZAR NA IGUALDADE DE OPORTUNIDADES REAL E NA PLENA INTEGRACIÓN SOCIAL

  • fullsizerenderA Xunta de Galicia financia con 35.000 euros esta iniciativa, que ten por obxecto promover a finalización dos estudos obrigatorios e reducir o abandono e o absentismo escolar entre a comunidade xitana

 

Santiago de Compostela, 24 de xaneiro de 2017.- O conselleiro de Política Social, José Manuel Rey Varela, defendeu hoxe a formación como “un piar básico para o desenvolvemento das persoas, avanzar nunha igualdade de oportunidades real e efectiva e na plena integración social”. O responsable da área social do Goberno galego realizou estas declaracións no transcurso dunha visita ao programa “Promociona”, que desenvolve a Fundación Secretariado Gitano de Galicia con financiamento da Administración autonómica e que ten por obxecto promover a finalización dos estudos obrigatorios e reducir o abandono e o absentismo escolar entre a comunidade xitana.

 

Rey Varela considerou “prioritario” continuar coa implantación de políticas activas que contribúan a avanzar na plena integración da poboación xitana, xa que a pesar dos avances que se teñen producido esta segue a padecer desvantaxes sociais, polo que “cómpre seguir adiante con medidas que nos axuden a derrubar aquelas barreiras sociais que se resisten a caer e conseguir unha sociedade máis xusta e inclusiva”, dixo.  E insistiu: “Temos un obxectivo moi importante na Consellería de Política Social que é o de evitar a cronificación da desigualdade  e para elo temos que ofrecer as mesmas oportunidades a todos e a todas e o Programa Promociona persegue precisamente esa finalidade”.

 

Neste sentido, a Xunta de Galicia e a Fundación Secretariado Gitano levan anos traballando conxuntamente en programas que teñen como finalidade cubrir as demandas e necesidades que teñen as familias xitanas nos diferentes ámbitos, entre estes o educativo, ao que responde a iniciativa “Promociona”. O departamento autonómico de Política Social achega 35.000 euros a este programa, que para Rey Varela “é realmente importante xa que para que as persoas teñan as mesmas oportunidades é necesario que estas teñan acceso aos mesmos niveis de formación”, apuntou.

 

Os destinatarios de “Promociona” son alumnos e alumnas do último ciclo de Educación Primaria -5º e 6 cursos- e de Secundaria Obrigatoria –de 1º a 4 de ESO-; os cales reciben orientación educativa e acompañamento individualizado, así como clases de apoio e reforzo. O programa tamén procura a implicación dos familiares para conseguir o éxito educativo dos menores e así promover a continuidade en estudos medios e/ou superiores e formación profesional.

 

A iniciativa comezou a implantarse en Galicia no curso escolar 2008/2009 na localidade de Pontevedra. Dende entón, a súa implantación ten ido en aumento e na actualidade desenvólvese, co apoio da Xunta de Galicia, nos concellos da Coruña, Lugo, Pontevedra, Vigo e Santiago de Compostela.

 

Mellorar as condicións de vida destas persoas

A Fundación Secretariado Gitano de Galicia é unha entidade social intercultural sen ánimo de lucro que presta servizos para o desenvolvemento da comunidade xitana en Galicia. Dende o ano 2001, desenvolve programas e accións que pretenden fomentar a participación social e a incorporación laboral da comunidade xitana en Galicia, e apoiar as iniciativas que, dende distintas entidades, teñen por obxecto a mellora das condicións de vida das persoas xitanas.

 

Na actualidade atende a preto de 2.000 persoas e conta con sedes en Lugo, Santiago, A Coruña, Narón, Pontevedra e Vigo. Ademais de programas como ACCEDER, a devandita fundación desenvolve outros programas a nivel local, de equipamento para a acción social, de intervención social, de busca de emprego, de muller, de drogodependencias ou de educación de persoas adultas entre outros.

 

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: