Charla na Aula CeMIT do Porriño sobre consumo responsable

A Aula da Rede CeMIT do Porriño celebrará, o vindeiro luns, día 3 de outubro de 11 a 12 horas, a charla “Consumo responsable no supermercado”. Na mesma analizarase o significado de practicar un consumo responsable, ao tempo que se fai unha reflexión crítica sobre os pasos a seguir para realizar unha compra: que facer antes, durante e despois de mercar.

Ademais se debaterá sobre a cadea de trazabilidade pola que pasan os produtos alimenticios antes de chegar á persoa consumidora e como posuír estes coñecementos poden influír dalgún xeito na toma de decisións de consumo.

As persoas interesadas en asistir deberán facer a súa reserva da praza na propia Aula CeMIT, no teléfono 986.338.217 ou ben enviando un correo electrónico a cemit.oporrino@xunta.gal.